განახლების დახმარებით Cardano Solana-ს სიჩქარით გაუსწრებს
Cardano-ს დამფუძნებლის ჩარლზ ჰოსკინსონის განცხადებით, კომპანია Input Output Global (IOG) განახლება Ouroboros Leios-ზე მუშაობს, რომლის შედეგადაც ქსელის სიჩქარე უნდა გააუმჯობესდეს.
დეველოპერის აზრით, მის ბლოკჩეინს კონკურენტებზე, მათ შორის Solana-ზე უპირატესობის მოპოვება შეუძლია.
კარდანოს მხარდამჭერი საზოგადოების აქტივისტმა რიკ მაკკრაკენმა (Rick McCracken) გამოკითხვა ჩაატარა, რომლის მონაწილეებსაც ორი შემოთავაზებიდან ერთ-ერთი უნდა აერჩიათ. ჰიპოთეტურად, ორივე ვარიანტი ქსელის მუშაობის გაუმჯობესებას ემსახურება და თითოეულის ყოველთვიური ბიუჯეტი 20 მილიონამდე ADA-ს შეადგენს.
მონაწილეებს არჩევანი 11 მილიონი ADA-ს ღირებულების Rust-ზე დაფუძნებული კვანძის შექმნასა და 12 მილიონი ADA-ს ღირებულების პროტოკოლ Ouroboros Leios-ის დანერგვას შორის უნდა გაეკეთებინათ.
ამომრჩეველთა 56%-მა მეორე ვარიანტი აირჩია, პირველ ვარიანტს კი მომხმარებელთა მხოლოდ 7%-მა დაუჭირა მხარი. გამოკითხვის მონაწილეთა 17%-მა ხმა ორივე წინადადების განხორციელებას მისცა.
გამოკითხვის კომენტარებში საკუთარი აზრი ჩარლზ ჰოსკინსონმაც გამოხატა. მისი თქმით, კვანძი Rust მომხმარებლებს რაიმე მნიშვნელოვან ახალ ფუნქციას ვერ შესთავაზებს. ხოლო განახლება Leios კი Cardano ქსელის გამტარუნარიანობისა და სიჩქარის გაზრდას დეცენტრალიზაციის დაკარგვის საფრთხის გარეშე შეძლებს.
მომხმარებელთა პრეტენზიების საპასუხოდ იმასთან დაკავშირებით, რომ Leios დეველოპერებისთვის პრიორიტეტი წლების წინ უნდა ყოფილიყო, Cardano-ს დამფუძნებელმა განაცხადა, რომ პროტოკოლ Leios-ზე სპეციალური გუნდი Input Output Global-ის (IOG) ხელმძღვანელობით მუშაობს.
მისი თქმით, გუნდი განახლებაზე მუშაობას უფრო მეტი ძალისხმევით 2024 წლის მეოთხე კვარტალში შეუდგება მას მერე, რაც Peras Cardano-ს (CIP) პროექტზე მუშაობას დაასრულებს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)