გეიტსმა ციფრულ აქტივებში ინვესტირებას უაზრობა უწოდა
Microsoft-ის თანადამფუძნებელის განცხადებით, ის მხოლოდ ისეთ აქტივებში ახდენს ინვესტირებას, რომლებსაც „ღირებულება აქვთ“. მისი თქმით, კრიპტოვალუტები ამ კატეგორიას არ მიეკუთვნებიან.
Reddit-ზე ბოლოდროინდელი Ask Me Anything (AMA) სესიის დროს ბილ გეიტსს ჰკითხეს, ახდენს თუ არა ინვესტირებას ციფრულ აქტივებში.
მილიარდერმა უპასუხა, რომ მის პორტფელში კრიპტოვალუტა არ არის, რადგან ფულის ინვესტირება მხოლოდ იმ აქტივებში უყვარს, რომლებიც საკუთარ ღირებულებას ამართლებენ, რასაც ციფრულ აქტივებზე ვერ იტყოდა.
მაგალითად, კომპანიებში, რომლებიც რაიმე სახის პროდუქტს აწარმოებენ. თუმცა, ბიტკოინთან მიმართებაში ბიზნესმენს ურჩევნია ნეიტრალური პოზიცია დაიკავოს :
„კრიპტოვალუტების ღირებულება დამოკიდებულია იმაზე, მზად არის თუ არა სხვა ადამიანი მათში გადაიხადოს. მაგრამ მათ საზოგადოებისთვის სარგებელი არ მოაქვთ, რასაც სხვა აქტივებში ინვესტიციებზე ვერ ვიტყვით.“
ცოტა ხნის წინ, გეიტსმა ადამიანებს, რომლებსაც „ილონ მასკივით ბევრი ფული არ აქვთ“, ბიტკოინში ინვესტირების დროს უკიდურესად ფრთხილად ყოფნა ურჩია, რათა სერიოზული ფინანსური ზარალი არ განიცადონ.
თუმცა, გეიტსის სკეპტიციზმის საპირისპიროდ, ბევრი ცნობილი ბიზნესმენი ბიტკოინს შესანიშნავ საინვესტიციო საშუალებად მიიჩნევს.
მაგალითად, Apple-ის თანადამფუძნებელმა სტივ ვოზნიაკმა (Steve Wozniak) ბიტკოინს „უნიკალურ მათემატიკური ფორმულა“ უწოდა და პირველი კრიპტოვალუტა ოქროს შეადარა.
მიუხედავად კრიპტობაზრის ბოლოდროინდელი დაცემისა, ბიტკოინის მიმართ ოპტიმისტურად არის განწყობილი ამერიკელი ინვესტორი ბილ მილერიც (Bill Miller).
მისი აზრით, BTC „ ფინანსური კატასტროფისგან დამზღვევი“ შეიძლება გახდეს, მის ღირებულებას კი ის ფაქტი აძლიერებს, რომ მას მთავრობები ვერ აკონტროლებენ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)