გერმანიის ექს მინისტრმა მთავრობას ბიტკოინის რევოლუციის მხარდაჭერისკენ მოუწოდა

გერმანიის ექს მინისტრმა მთავრობას ბიტკოინის რევოლუციის მხარდაჭერისკენ მოუწოდა

გერმანიის ყოფილი ფინანსთა მინისტრის კრისტიან ლინდნერის განცხადებით, ქვეყნის ლიდერები ბიტკოინის ეკონომიკურ შესაძლებლობებს არ იყენებენ, მაშინ როცა შეერთებული შტატები კრიპტოვალუტის ინოვაციების სფეროში წინ აქტიურად მიიწევენ.

კრისტიან ლინდნერმა (Christian Lindner) ბუნდესტაგის სხდომაზე გამოსვლისას კანცლერი ოლაფ შოლცი იმის გამო გააკრიტიკა, რომ მთავრობა პირველი კრიპტოვალუტის ეკონომიკურ შესაძლებლობებს უგულებელყოფს და არ დგამს ქმედით ნაბიჯებს ბიტკოინის, როგორც სახელმწიფოს სტრატეგიული მნიშვნელობის სარეზერვო ვალუტის მისაღებად.

ლინდნერის მოსაზრებით, ბიტკოინის ფინანსურ რეზერვებში ჩართვას გერმანიის აქტივების დივერსიფიკაცია და შესაბამისად, მათი ტრადიციული ფინანსურ ჰეჯირების ინსტრუმენტებზე დამოკიდებულების შემცირება შეუძლია.

მისი თქმით, კრიპტოვალუტების მიღების თვალსაზრისით შეერთებული შტატების მხრიდან გადადგმული თამამი ნაბიჯებისა და ტრამპის დაპირებების ფონზე, რომ ამერიკას „პლანეტის კრიპტო დედაქალაქად“ გადააქცევს, გერმანიის ხელისუფლება, პირიქით, ყიდის BTC-ს.

„საქსონიამ მილიარდობით დოლარის ღირებულების ბიტკოინი ნახევარ ფასად გაყიდა, მაშინ როცა აშშ კრიპტოვალუტის სარგებლიანობის ქვეყნის ეკონომიკისთვის გამოყენებას აპირებს“, – დასძინა ლინდნერმა.

მან ქვეყნის ლიდერებს ბიტკოინის აღიარებისა და BTC-ში ეროვნული რეზერვის შექმნისკენ მოუწოდა. წინააღმდეგ შემთხვევაში, გერმანია რისკავს კრიპტო ინოვაციების სფეროში სხვა ქვეყნებს სამუდამოდ ჩამორჩეს.

მანამდე, Bitcoin Magazine-ის აღმასრულებელმა დირექტორმა დევიდ ბეილიმ (David Bailey) გამოთქვა მოსაზრება, რომ ბიტკოინში სახელმწიფო რეზერვის შექმნაზე უარის თქმამ, ისევე როგორც BTC-ის მასობრივი გაყიდვების პრაქტიკამ, გერმანია და შეერთებული შტატები ფინანსური ზარალამდე მიიყვანა და 18 მილიარდ დოლარზე მეტი მოგება დააკარგვინა.