გერმანიის მთავრობამ კრიპტომატების ქსელი გააუქმა

გერმანიის მთავრობამ კრიპტომატების ქსელი გააუქმა

გერმანიის პოლიციამ, Deutsche Bundesbank-სა და გერმანიის ფედერალური ფინანსური ზედამხედველობის ორგანოსთან (BaFin) ერთად „მარეგულირებლის ნებართვის გარეშე საზოგადოებრივ ადგილებში განთავსებული“ 13 კრიპტო ბანკომატისგან შემდგარი ქსელის გაუქმების მიზნით ერთობლივი ოპერაცია განახორციელა.

ქსელის მფლობელებზე ეჭვი უკანონო მიმოქცევასა და ფულის გათეთრებაში მონაწილეობაზე მიიტანეს. ახლა მათ სასამართლო პროცესი და ხუთ წლამდე თავისუფლების აღკვეთა ემუქრებათ.

რეიდები გერმანიის მასშტაბით ერთდროულად 35 ლოკაციაზე განხორციელდა. „ციფრული აქტივებით ავტომატიზირებული ვაჭრობის ადგილებში“ განთავსებული კრიპტომატებიდან დაახლოებით 250,000 ევროს (280,000 აშშ დოლარი) ნაღდი ფულის ამოღება მოხდა.

„ ევროს გაცვლა კრიპტოვალუტაზე და პირიქით, კომერციული ვაჭრობის ან საბანკო ტრანზაქციების საკითხს წარმოადგენს, რის გამოც საბანკო კანონმდებლობის შესაბამისად, BaFin-ის პირდაპირ ნებართვას საჭიროებს.“- განმარტა მარეგულირებელმა.

იმის შესახებ, რომ კრიპტო ბანკომატების მზარდი ქსელი დანაშაულებრივი ჯგუფებისთვის უკანონო შემოსავლების გათეთრების სქემის ნაწილი ხდება, მანამდე კიბერდანაშაულის გახსნაზე მომუშავე ამერიკელმა სამართალდამცავებმაც არაერთხელ აღნიშნეს.

გამოძიებამ ამის წინაპირობად კრიპტობაზრის რეგულირების წესებში არსებული ხარვეზები მიიჩნია, რაც კრიმინალებს ნარკოტიკებით ვაჭრობისა და სხვა უკანონო ქმედებებიდან მიღებული ფულის კრიპტო ბანკომატების უკანონო ქსელის მეშვეობით გათეთრების შესაძლებლობას აძლევს.