გრძელვადიანი ინვესტორები ბიტკოინის შენახვას აგრძელებენ

გრძელვადიანი ინვესტორები ბიტკოინის შენახვას აგრძელებენ

კომპანია Glassnode-ის ანალიტიკოსებმა განიხილეს, თუ როგორ ახდენენ  გრძელვადიანი და მოკლევადიანი ინვესტორები მიმდინარე საბაზრო პირობებში ორიანტაციას. როგორც ირკვევა, ამჟამად BTC-ს მხოლოდ მოკლევადიანი ინვესტორები ყიდიან.

ანალიტიკოსების განცხადებით, მათი კვლევა  HODL ტალღების მაჩვენებლებს ეყრდნობა, რომლებიც ასახავს, თუ როგორ იყენებენ ბიტკოინის მფლობელთა სხვადასხვა ასაკობრივი ჯგუფები კრიპტოვალუტას.

Glassnode-ის მტკიცებით, კრიპტოვალუტის ბაზარზე მიმდინარე კორექტირების მიუხედავად, ბიტკოინის გრძელვადიანი ინვესტორები კრიპტოვალუტის შენახვას აგრძელებენ.

„ჩვენ ვხედავთ ბირჟებზე შესული და გამოსული ბიტკოინების ბალანსს და მოკლევადიანი მფლობელები ყველაზე საშიშ ჯგუფს წარმოადგენენ“ – განაცხადეს ანალიტიკოსებმა და განმარტეს,

რომ მოკლევადიანი ინვესტორები ყიდულობენ ბიტკოინს და მას მაშინვე ყიდიან, როგორც კი კრიპტოვალუტის ფასების დაცემას დაინახავენ.

„ხალხი კურსის დაცემის დროს კრიპტოვალუტას ყიდულობს და შემდეგ აღმოჩნდება, რომ ეს ბოლო დაცემა არ ყოფილა. ამიტომ, ისინი ისევ ყიდიან და შემდეგ ისევ ყიდულობენ. სწორედ ისინი ქმნიან მერყევ დინამიკას, რომლის ნახვაც საბირჟო გრაფიკებზე შეგიძლიათ. ბირჟიდან გატანილ ყოველ ბიტკოინზე ერთ კვირაში იგივე რაოდენობის ბიტკოინები მოდის.”

როგორც ანალიტიკოსებმა აღნიშნეს, ბიტკოინის გრძელვადიანი ინვესტორების ხელში გადასვლა კონსტრუქციული ნიშანია.

თუმცა, თუ სცენარი შეიცვლება და გრძელვადიანი მფლობელები ბიტკოინების გაყიდვას დაიწყებენ , ეს დათვების ბაზარს გააძლიერებს.

„სცენარი უფრო „დათვურია“ როდესაც ვხედავთ, რომ HODL მაჩვენებელი კვლავ იწყებს ზრდას. ეს იმაზე მეტყველებს, რომ საფულეებში არსებული მონეტების გაყიდვას იწყებენ. ეს ნიშნავს, რომ ზოგიერთი გრძელვადიანი მფლობელი რწმენას კარგავს.“  – დაასკვნეს მკვლევარებმა.

წყარო: https://bits.media/