დაურეგულირებელი კრიპტობაზრები საფრთხეა ბავშვებისთვის
გაეროს ბავშვთა ფონდმა (UNICEF) მსოფლიოს მთავრობებს მოუწოდა კრიპტოვალუტების გლობალური დანერგვის ფონზე ბავშვების უსაფრთხოების დასაცავად მიღებულ ზომებს გადახედონ.
ახლახანს გამოქვეყნებულ UNICEF-ის ანგარიშში ნათქვამია, რომ კრიპტო ინდუსტრიის ირგვლივ ატეხილმა აჟიოტაჟმა 2021 წლის ბოლოსთვის 87 ქვეყანა მოიცვა.
2022 წელს ციფრული აქტივების მიმართ ინტერესი ზრდას განაგრძობს. ამაზე სულ უფრო მეტად არის დამოკიდებული ფინანსური სისტემების სტაბილურობა და შესაბამისად ბავშვების კეთილდღეობაც. – აღნიშნავს UNICEF.
ანგარიშის ავტორების მტკიცებით, არარეგულირებული კრიპტოვალუტით განხორციელებული ბევრი ტრანზაქცია ირიბად ან პირდაპირ ხელს უწყობს ბავშვებით ვაჭრობას, ასევე ისეთი კონტენტით ვაჭრობას, რომელიც არასრულწლოვანთა სექსუალურ ექსპლუატაციასთან არის დაკავშირებული.
„მომავალში მოსალოდნელი მოვლენები ახალი ეროვნული და საერთაშორისო ნორმატიულ-სამართლებრივი დოკუმენტაციის შემუშავებას მოითხოვს.
ახლა ჩვენ ვაანალიზებთ სიტუაციას , რათა დავინახოთ, სად მიგვიყვანს ახალი ტენდენციები.“
UNICEF-ის წარმომადგენლების თქმით, ბევრ ქვეყანაში მთავრობებს, მსხვილ ბანკებსა და საინვესტიციო კომპანიებს ბლოკჩეინზე დაფუძნებული ფინანსური სისტემების წინააღმდეგ ალიანსების შექმნა შეუძლიათ. ზოგიერთ ქვეყანაში კი, პირიქით, არ არის გამორიცხული დაპირისპირებულ მხარეებს შორის პარტნიორობა შედგეს. მოხსენების ავტორების მთავარი წუხილი ის არის, რომ ნებისმიერ შემთხვევაში ბაზრის მონაწილეებმა ბავშვების უსაფრთხოება არ დაივიწყონ.
UNICEF-ის თანახმად, კრიპტოვალუტების დანერგვისკენ მასობრივი სწრაფვა კორონავირუსის პანდემიის შედეგად შექმნილი ეკონომიკური ზეწოლის ფონზე იზრდება. 2019 წლის ბოლოს, UNICEF-მა კრიპტოვალუტის ფონდი აამოქმედა, რომელიც BTC-სა და ETH-ში შემოწირულობების მიღების, შესანახვისა და განაწილების შესაძლებლობას იძლევა.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)