დოლარის ინდექსის ვარდნა ბიტკოინის ზრდის სიგნალია

დოლარის ინდექსის ვარდნა ბიტკოინის ზრდის სიგნალია

ბენჯამინ კოუენი: დოლარის ინდექსის ვარდნა ბიტკოინის ზრდის სიგნალია.

კრიპტოვალუტის ექსპერტი ბენჯამინ კოუენი  ბიტკოინის ინვესტორებს მოუწოდებს  აშშ დოლარის ინდექსს თვალყური ადევნონ. მისი აზრით, DXY-ის დაცემა ბიტკოინის ზრდაზე მიანიშნებს.

ბენჯამინ კოუენმა (Benjamin Cowen) თავის YouTube არხზე განმარტა, რომ დოლარის ინდექსის ზრდა  ბიტკოინის კურსზე უარყოფითად მოქმედებს.

„სამწუხაროდ, როდესაც DXY აღმავალ ტრენდშია, ბიტკოინი როგორც წესი დაღმავალშია, განსაკუთრებით მაშინ, როცა DXY-ის აღმავალი ტენდენცია ძალიან ძლიერია. და პირიქით, როდესაც DXY იკლებს, ბიტკოინი მიდრეკილია პარაბოლისკენ.“

თუმცა, ეს დადებითი ფაქტორი  ბიტკოინის მფლობელებს არ ეხება. ანალიტიკოსი ირწმუნება, რომ ბიტკოინის ინვესტორები მალე „დათვების ტრენდს“ უნდა ელოდონ.

„თვალყური უნდა ვადევნოთ, დავრწმუნდეთ, რომ ბიტკოინის ბაზარზე ტრენდი ნამდვილად აღმავალია და არა მოჩვენებითად აღმავალი, როცა სინამდვილეში ბიტკოინი არ იზრდება.

როგორც კი დოლარი დაეცემა, ჩვენ შევძლებთ დავინახოთ რეალური „ხარების ტრენდი“. ეს არის ზუსტად ის, რასაც თვალი უნდა მივადევნოთ.

მაგალითად კოუენმა 2017 და 2020 წლებში  ბიტკოინის კურსის მკვეთრი ნახტომი მოიყვანა. მისი აზრით, შესაძლოა შემდეგი ცვლილება 2023 წელს მოხდეს. მიუხედავად იმისა, რომ ინვესტორები ტრენდის ცვლილებას მოუთმენლად ელიან, კოუენის თქმით, მის შემობრუნებაზე საუბარი ნაადრევია.

Celsius Network-ის აღმასრულებელი დირექტორი ალექს მაშინსკი (Alex Mashinsky) უფრო ოპტიმისტურად არის განწყობილი და ამტკიცებს, რომ ბიტკოინი და ეთერიუმი 2022 წელს ყველა დროის მაქსიმუმს მიაღწევენ. მაშინსკი აშშ-ში რეცესიას ელის. ამ მიზეზით  მან  კუთვნილი აქციები კრიპტოვალუტებში ინვესტირებისთვის გაყიდა.