დეცენტრალიზებული ფინანსები ბანკების ალტერნატივად ყალიბდება

დეცენტრალიზებული ფინანსები ბანკების ალტერნატივად ყალიბდება

Ethereum-ის თანადამფუძნებლის ვიტალიკ ბუტერინის განცხადებით, დეცენტრალიზებული ფინანსები (DeFi) ტრადიციული საბანკო სისტემის საიმედო ალტერნატივად ყალიბდება, რადგან მათი გამოიყენება ასევე დანაზოგის შესანახად ხდება.

ბუტერინმა ყურადღება გაამახვილა იმაზე, რომ თავდაპირველად DeFi სექტორი ექსპერიმენტის სახით ამოქმედდა, შედეგად კი მისი განვითარდა იმდენად შორს წავიდა, რომ დღეს შეუძლია კონკურენცია Wall Street-ის ფინანსურ გიგანტებს გაუწიოს.

DeFi-ის სფერო ადრეული სპეკულაციური ფაზიდან გამოვიდა და ახლა დეცენტრალიზებულ ფინანსებს მთელი მსოფლიოდან იყენებენ ისეთი ადამიანები, რომელთა სახსრებიც განსაკუთრებით დაუცველია პოლიტიკური ჩარევებისგან, თქვა ბუტერინმა.

Ethereum-ის თანადამფუძნებლის თქმით, სექტორი კვლავაც მრავალი ტექნიკური და უსაფრთხოების საკითხებთან დაკავშირებული გამოწვევების წინაშე დგას. თუმცა, ისიც აღნიშნა, რომ DeFi-ში უსაფრთხოების დონე 2025 წელს გაცილებით მაღალი იქნება, ვიდრე 2019 ან 2020 წლებში იყო.

მან მხარი დაუჭირა პროტოკოლებს, რომლებიც მომხმარებლებს ციფრულ აქტივებზე შეუფერხებელი წვდომის მიღების და მათი სხვისი ნებართვისა და დახმარების გარეშე ნებისმიერ დროს გამოტანის შესაძლებლობას აძლევს.

ბუტერინმა დეველოპერებს მოუწოდა უფრო ხშირად ჩაატარონ ექსპერიმენტები პროექტებზე, რომლებიც ბლოკჩეინის გამტარუნარიანობის გაზრდის მიზნით Ethereum-ის მთავარ ქსელს მეორე დონის გადაწყვეტასთან აერთიანებენ.

ბუტერინის განცხადებით, Ethereum-ის მასშტაბირება, როგორც საბაზისო, ისე მეორე დონეზეც ხდება, რადგან Lighter-ის მსგავსი პროექტები ამჟამად წამში 10,000-ზე მეტ ტრანზაქციას ამუშავებენ.

მან ხაზი გაუსვა, რომ დღეს შესაბამისი ინჟინერიის პირობებში მასშტაბირება ყველასთვის ხელმისაწვდომია და ფინანსური თავისუფლების ხელშესაწყობად მრავალი ღირებული პროექტი არსებობს .

ბუტერინი დარწმუნებულია, რომ კონფიდენციალურობის უზრუნველსაყოფად ეფექტური გადაწყვეტილებების მიღებისთვის დეველოპერების მხრიდან ჰიბრიდული მიდგომაა საჭირო: კერძოდ, ნულოვანი ცოდნის დასტურის (ZK) მრავალმხრივ გამოთვლებთან და ჰომომორფულ დაშიფვრასთან ერთად გამოყენება.

პლატფორმა Growthepie-ს მონაცემებით, წამში 24,192 ტრანზაქციის (TPS) დამუშავებით Ethereum-ის ბლოკჩეინმა ახალი რეკორდი დაამყარა. ეს ქსელის ისტორიაში ყველაზე მაღალი მაჩვენებელია.

წყარო: https://www.cryptopolitan.com/buterin-says-defi-can-rival-global-banking/