დეცენტრალიზებულ პროტოკოლებს რეგულირება არ სჭირდება

დეცენტრალიზებულ პროტოკოლებს რეგულირება არ სჭირდება

Coinbase-ის აღმასრულებელი დირექტორის ბრაიან არმსტრონგის აზრით, დეცენტრალიზებული პროტოკოლები გამჭვირვალობას თავისთავად გულისხმობენ  და ამიტომ, განსხვავებით ცენტრალიზებული პლატფორმებისგან,  რეგულირებას არ საჭიროებენ.

კრიპტოვალუტის ბირჟა Coinbase-ის აღმასრულებელი დირექტორის ბრაიან არმსტრონგის (Brian Armstrong) განცხადებით, კრიპტოვალუტის ცენტრალიზებულ პლატფორმებთან დაკავშირებით უფრო მკაცრი წესები უნდა შემოიღონ.

დეცენტრალიზებულ პროტოკოლებს კი პირიქით, მეტი თავისუფლება უნდა მიეცეთ, რადგან ღია საწყისი კოდი და ჭკვიანი კონტრაქტები ინფორმაციის გამჭვირვალობის უკიდურეს ფორმას წარმოადგენს.

ამასთან, არმსტრონგის თქმით, მარეგულირებლებს შეუძლიათ ინდუსტრიას მის მიმართ ნდობის აღდგენასა და განვითარების გაგრძელებაში დაეხმარონ.

თუმცა, ეს დეცენტრალიზებულ პლატფორმებს ნაკლებად სჭირდებათ, რადგან ასეთი სახის ეკოსისტემებში გამჭვირვალობა თავისთავად იგულისხმება და მათი მუშაობა შუამავლის ჩართულობის გარეშე ხორციელდება.

არმსტრონგმა იმედი გამოთქვა, რომ კრიპტო ბირჟა FTX-ის შემთხვევა შესაბამისი კანონმდებლობის მიღებას ბიძგს მისცემს, რადგან სტეიბლკოინების ემიტენტები, ცენტრალიზებული კრიპტო ბირჟები და კრიპტოვალუტის ბანკები უდიდეს რისკს წარმოადგენენ.

Coinbase-ის ხელმძღვანელის თქმით, შეერთებულმა შტატებმა სტეიბლკოინების რეგულირება ფინანსური მომსახურების კანონის შესაბამისად უნდა დაიწყონ.

ემიტენტებმა კიბერუსაფრთხოების ძირითადი სტანდარტები უნდა დააკმაყოფილონ და სანქციების შესასრულებლად შავ სიაში შეყვენის პროცედურა უნდა დაამატონ.

მანამდე არმსტრონგმა FTX-ის ყოფილი ხელმძღვანელის სემ ბანკმენ-ფრიდის განცხადება გააკრიტიკა, რომლის თანახმადაც ბირჟის გაკოტრების მიზეზი 8 მილიარდი დოლარის სააღრიცხვო შეცდომა იყო. მისი აზრით, თანხები მოიპარეს.