ევროკავშირი ციფრულ ევროს აამოქმედებს

ევროკავშირის საბჭომ ციფრული ევროს ამოქმედებას მხარი დაუჭირა

ევროკავშირის საბჭომ ცენტრალური ბანკის ციფრული ვალუტის (CBDC) ამოქმედებას დაუჭირა მხარი, რამაც საბჭოს წევრების განმარტებით, 27 წევრი ქვეყნის ეკონომიკური და პოლიტიკური კავშირის უსაფრთხოებისა და მდგრადობის გაძლიერებას უნდა შეუწყოს ხელი.

ევროკავშირის საბჭოში მიიჩნევენ, რომ ციფრული ევრო არსებობას როგორც ეროვნლი ციფრული ვალუტების, ასევე საერთაშორისო კერძო გადახდის მეთოდების – საბანკო ბარათების ან პროვაიდერების მიერ მართული სერვისების პარალელურად შეძლებს. ციფრული ევროს გამოყენება ინტერნეტთან კავშირის გარეშეც იქნება შესაძლებელი.

„ევროპის პარლამენტმა უნდა გადაწყვიტოს, დამაკმაყოფილებელია თუ არა საბჭოს წინადადება და როგორ შეიძლება მისი კანონმდებლობად გარდაქმნა ან სახეცვლილება.“- განმარტა ევროპის ცენტრალური ბანკის (ECB) პრეზიდენტმა კრისტინ ლაგარდმა (Christine Lagarde).

ევროკავშირის საბჭოს განმარტებით, გადახდის სერვისის პროვაიდერები ვერ შეძლებენ მომხმარებლებისგან საკომისიოს აღებას ანგარიშების გახსნის ან დახურვის, ციფრული ევროს ტრანზაქციების, ან იმავე პროვაიდერის სხვა სადეპოზიტო ანგარიშებიდან CBDC-ში თანხების შეტანის ან გატანისთვის. მომხმარებლების საფულეებში CBDC-ის შენახვისთვის გათვალისწინებულია ლიმიტები, თუმცა ლიმიტის რაოდენობას ევროპის ცენტრალური ბანკი განსაზღვრავს. ევროპელი ოფიციალური პირების თქმით, ლიმიტები სულ მცირე ორ წელიწადში ერთხელ გადაიხედება.

ცოტა ხნით ადრე, ევროპის ცენტრალური ბანკის აღმასრულებელი საბჭოს წევრმა პიერო ჩიპოლონემ (Piero Cipollone) განაცხადა, რომ ციფრული ევრო ნაღდი ფულის ჩანაცვლებას ვერ შეძლებს, არამედ შეავსებს მას, როგორც გადახდის საშუალება.

წყარო: https://thepaypers.com/crypto-web3-and-cbdc/news/eu-council-backs-digital-euro-and-reinforces-the-role-of-cash