by Maria 
ევროპამ ოპერირების ლიცენზია 53 კრიპტო კომპანიას მისცა
ევროპაში კომპანია Circle-ის სტრატეგიული განვითარების დირექტორის პატრიკ ჰანსენის (Patrick Hansen) განცხადებით, ევროკავშირში კრიპტოვალუტის რეგულირების შესახებ კანონის (MiCA) ძალაში შესვლის შემდეგ ოპერირების ნებართვა 53-მა კრიპტოკომპანიამ მიიღო.
ივლისის მონაცემებით, ლიცენზია 14 სტეიბლკოინის ემიტენტს აქვს. მათ შორისაა USDC -ის ემიტენტი Circle, ასევე Crypto.com, Société Générale – Forge, Stablemint, Quantoz, Membrane Finance და StablR. ტოკენების ემიტენტების გარდა, ოპერირების ნებართვა 39 ვირტუალური აქტივების მომსახურების პროვაიდერმა (CASP) მიიღო, მათ შორის არიან Coinbase, Kraken, Bitstamp, OKX, Robinhood, Trade Republic, BBVA Bank და eToro.
ლიცენზირების გაცემის პროცესის ლიდერობა გერმანიამ და ნიდერლანდებმა გაინაწილეს – მათ ვირტუალური აქტივების მომსახურების 39 პროვაიდერიდან ნებართვები 23-ზე გასცეს. კრიპტო ინდუსტრიის ორ უმსხვილეს მოთამაშეს, Binance-ს და Tether-ს, ევროკავშირში ოპერირებისთვის მარეგულირებელი ორგანოს თანხმობა ჯერ არ მიუღიათ. კანონის ძალაში შესვლის შემდეგ, წელს, კრიპტო ბირჟებმა Kraken და Crypto.com- ტოკენი USDT ლისტინგიდან ამოიღეს.
მაისში, Tether-ის აღმასრულებელმა დირექტორმა პაოლო არდოინომ (Paolo Ardoino) განაცხადა, რომ კომპანია არ ევროპის მარეგულირებლებთან რეგისტრაციას არ აპირებდა.
კრიპტო იურისტების ჯგუფის განცხადებით, ერთის მხრივ, MiCA-ს ახალი რეგულაციები ზრდის გამჭვირვალობას ინვესტორებისა და ინსტიტუტებისთვის და ასევე ხელს უწყობს მომხმარებელთა დაცვას . მეორეს მხრივ, ევროპელი მარეგულირებლების მკაცრი მოთხოვნები ევროპაში ინოვაციების განვითარების შეფერხების რისკს ქმნის. MiCA ამცირებს კრიპტო ბაზარზე შესვლის ბარიერებს იმ მსხვილი კომპანიებისთვის, რომლებიც კანონს იცავენ, რაც ზრდის მათ მცირე კონკურენტების ხარჯებს, განმარტეს იურისტებმა.
