ევროპარლამენტს კრიპტოვალუტის აკრძალვისკენ მოუწოდეს

ბელგიის ყოფილი ფინანსთა მინისტრი ევროპარლამენტს კრიპტოვალუტის აკრძალვისკენ მოუწოდებს

ბელგიის ყოფილმა ფინანსთა მინისტრმა, ევროპარლამენტში მემარჯვენე პოლიტიკური პარტია ECR-ის ეკონომიკურმა წარმომადგენელმა, ევროკავშირის მთავრობას კრიპტოვალუტების დაუყოვნებლივ აკრზალვისკენ მოუწოდა.

იოჰან ვან ოვერტველდმა (Johan Van Overtveldt) კრიპტოვალუტები ნარკოტიკებს შეადარა და ევროკავშირის მთავრობას ფინანსური სისტემების დასაცავად ზომების მიღებისკენ მოუწოდა.

პოლიტიკოსის თქმით, სწორედ კრიპტო აქტივებზე ფოკუსირება და კრიპტოვალუტის ინდუსტრიის მონაწილეთა ინტერესების გატარება გახდა აშშ-ს სამი წამყვანი ბანკის ჩამოშლის ძირითადი მიზეზი.

ოვერტველდმა ევროპარლამენტარების ყურადღება იმაზე გაამახვილა, რომ კრიპტო-ორიენტირებული Silvergate Bank-ისა და Silicon Valley Bank-ის ჩამოშლამ შედეგები არა მხოლოდ  ამერიკულ ფინანსურ სისტემაზე იქონია, არამედ ევროპულ ბაზრებზეც გავრცელდა.

მათ შორის, Credit Suisse-ის აქციების რეკორდული ვარდნა გამოიწვია, რის შედეგადაც ლიკვიდობის შესანარჩუნებლად კომპანია იძულებული გახდა შვეიცარიის ეროვნული ბანკისგან თითქმის 53 მილიარდი დოლარის სესხი აეღო.

„მნიშვნელოვანი გაკვეთილი, რომელიც  მიმდინარე საბანკო კრიზისიდან უნდა გამოვიტანოთ, კრიპტოვალუტების მკაცრი აკრძალვის დაწესების აუცილებლობაა. ეს არის სპეკულაციური შხამი, რომელსაც არანაირი ეკონომიკური თუ სოციალური ღირებულება არ გააჩნია! თუ მთავრობა ნარკოტიკებს კრძალავს, კრიპტოვალუტაც უნდა აკრძალოს“- განაცხადა პარლამენტარმა.

ოვერტველდი ევროპარლამენტში ეკონომიკურ და მონეტარული საკითხთა კომიტეტში სიდიდით მეხუთე პოლიტიკურ ჯგუფს –  ევროპულ მემარჯვენე კონსერვატორებსა და რეფორმატორებს წარმოადგენს.

მანამდე, 2014 წლიდან 2018 წლამდე ის ბელგიის ფინანსთა მინისტრი იყო.