ევროპარლამენტი ანონიმური კრიპტო ტრანზაქციების დაბლოკვას განიხილავს

ევროპარლამენტი ანონიმური კრიპტო ტრანზაქციების დაბლოკვას განიხილავს

ევროპარლამენტი გეგმავს AML პროცედურები ყველა კრიპტოვალუტის ტრანზაქციაზე გავრცელდეს, ასევე შეიზღუდოს ან აიკრძალოს კრიპტო ტრანსფერები ევროკავშირიდან „საგადასახადო თავშესაფრებად“ მიჩნეულ ადგილებში.

FATF-ის ამჟამინდელი რეკომენდაციები კრიპტოვალუტების რეგულირებისა და კრიპტოვალუტის სერვისების ოპერატორების საქმიანობის შესახებ,

კომპანიებს ავალდებულებს 1000 ევროზე მეტი გადარიცხვის მიმღების იდენტიფიცირება მოახდინონ.

კანონმდებლებმა გადარიცხვების ქვედა მინიმალური ზღვრის გაუქმებაც განიხილეს, რადგან  შესაძლოა დიდი ტრანზაქციები უფრო მცირე ტრანზაქციებად იქნას დაყოფილი. ეს პრაქტიკა „სმურფინგის“ სახელწოდებით არის ცნობილი.

მათი შეთავაზებაა კრიპტოვალუტის ყველა ტრანზაქციის დეანონიმიზაცია, განურჩევლად ზომისა. იმ დოკუმენტების მიხედვით, რომლებსაც CoinDesk გაეცნო, 

დიდი ალბათობით ევროპარლამენტის ეკონომიკურ საკითხთა კომიტეტის წევრები მხარს  ცვლილებებს დაუჭერენ და კრიპტოვალუტით მცირე ტრანზაქციების ანონიმურობასაც კი კენჭს უყრიან.

კანონმდებლები მზად არიან ფულის გათეთრების წინააღმდეგ რეგულაციებში (AML)  კრიპტო აქტივების საფულეებს შორის გადაადგილებაც შეიტანონ, მიუხედავად იმ გაურკვევლობისა, თუ როგორ შეიძლება განხორციელდეს ეს პროცედურა.

დეპუტატები ასევე მოუწოდებენ კრიპტოვალუტის სერვისის პროვაიდერებს, თავი შეიკავონ ნებისმიერი გადარიცხვისგან, რომელიც ფულის გათეთრებისა ან დანაშაულებრივი ქმედების დაფინანსების რისკებს შეიცავს.

შემოთავაზებულია შეიზღუდოს ან აიკრძალოს კრიპტოვალუტების გადაცემა ევროკავშირიდან ნებისმიერი მიმართულებით, რომელიც  ევროკავშირის სანქციებს ექვემდებარება ან განიხილება „საგადასახადო თავშესაფრად“განიხილება. მაგალითად,  ვირჯინიის კუნძულებზე, თურქეთში, რუსეთსა და ჰონგ კონგში.

.