ეთერიუმის ქსელის განახლება Coinbase-ის შემოსავალს გაზრდის
JPMorgan-ის ექსპერტების აზრით, Ethereum-ის ქსელის განახლების შემდეგ Coinbase-ის შემოსავლები შესამჩნევად გაიზრდება, რადგან ბირჟა ETH-ის მფლობელებს სტეიკინგ პროგრამაში ჩართავს.
საინვესტიციო ბანკ JPMorgan-ის ანალიტიკოსების თქმით, Ethereum-ის ქსელის მორიგი განახლების – Shanghai-ის შედეგად, კრიპტოვალუტის ბირჟა Coinbase-ის შემოსავალი შესაძლოა მკვეთრად გაიზარდოს.
განახლება, რომელიც მარტშია დაგეგმილი, მომხმარებლებს Beacon Chain-ზე ბლოკირეულ თანხებზე წვდომის შესაძლებლობას მისცემს. ამგვარად კონტრიბუტორები ტრანზაქციის გადამოწმებაში მონაწილეობის მიღებასა და ჯილდოს მიღებას შეძლებენ.
Ethereum-ის სტეიკინგი ETH-ის მონეტების მფლობელებისგან მათი განუსაზღვრელი ვადით ბლოკირებას მოითხოვდა, რაც სტეიკერებისთვის დიდ წინაღობას წარმოადგენდა. განახლების შედეგად, 2020 წლის დეკემბრის შემდეგ პირველად, Beacon Chain-დან ბლოკირებული თანხების გამოტანა იქნება შესაძლებელი.
ანალიტიკოსების შეფასებით, Ethereum-ის განახლების შემდეგ Coinbase-ის საცალო ინვესტორების 95% შეძლებს სტეიკინგს შეუერთდეს, რაც კრიპტო ბირჟას 225- 545 მილიონ დოლარს მოუტანს.
ამჟამინდელი ბაზრის პირობების, ასევე კომპანიაში შემცირებებისა და იაპონიის ბაზრიდან გასვლის გათვალისწინებით, ეს ბირჟის შემდგომი მუშაობისთვის საჭირო თანხა იქნება.
ამჟამად Coinbase-ზე არსებული აქტივების 25% ეთერიუმს წარმოადგენს, რაც ექსპერტების აზრით, ქსელის განახლების შემდეგ ბირჟაზე ასევე დადებითად აისახება.
გასულ კვირას სარეიტინგო სააგენტომ Moody’s Coinbase-ის გრძელვადიანი საკრედიტო რეიტინგი და ასევე კომპანიის არაუზრუნველყოფილი ობლიგაციების რეიტინგი კვლავ შეამცირა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)