ეთერიუმი და სხვა ალტკოინები ბიტკოინს გაუსწრებენ

ეთერიუმი და სხვა ალტკოინები ბიტკოინს გაუსწრებენ

კომპანია Real Vision-ის აღმასრულებელ დირექტორს, ალტკოინების ბოლოდროინდელი ვარდნის ფონზე კვლავაც სჯერა, რომ ეთერიუმის მსგავსი კრიპტოვალუტები  ბიტკოინს მომავალში ლიდერობას წაართმევენ.

რაულ პალმა (Raoul Pal) YouTube-ის პოდკასტზე განაცხადა, რომ Ethereum-მა – ჭკვიანი კონტრაქტების წამყვანმა პლატფორმამ გრძელვადიან პერსპექტივაში შესაძლოა ბიტკოინს აჯობოს.

მაკროეკონომისტი ეთანხმება იმას, რომ ბიტკოინი საუკეთესო კრიპტო აქტივია და ეთერიუმს საბაზრო კაპიტალიზაციის, ვაჭრობის მოცულობისა და აქტიური საფულეების რაოდენობის მიხედვით აღემატება.

თუმცა პალის თქმით, ბოლო რამდენიმე წლის განმავლობაში, Ethereum-მა იპოვა გზა, როგორ აჯობოს ბიტკოინს:

„თუ ყოველ კვირა ეთერიუმზე მეტ ბიტკოინს ყიდულობთ, ბუნებრივია ქსელში მეტი ტრანზაქცია იქნება. მაგრამ ტრანზაქციების რაოდენობა არ არის ობიექტური მაჩვენებელი, რადგან ბიტკოინი ეთერიუმს ფასითა და აქტიური საფულეების რაოდენობით აღემატება. 

თუმცა, თუ Ethereum-ის განვითარებას დააკვირდებით, ბოლო რამდენიმე წლის განმავლობაში საფულეებისა და ტრანზაქციების რაოდენობის ზრდის ტემპმა ბიტკოინს ბევრად გადააჭარბა და ეს  ინდუსტრიის განვითარებისთვის მართლაც მომგებიანია. ეს იმაზე მეტყველებს, რომ ასეთი განვითარების პირობებში Ethereum-ის  ფასი ოპტიმალურია.“

Real Vision-ის ხელმძღვანელის განცხადებით, ის Ethereum-ის მიმართ უფრო ოპტიმისტურად არის განწყობილი ვიდრე Bitcoin-ის მიმართ.

მისი თქმით, საბოლოოდ ბაზრის ლიდერს სხვა მსხვილმა ალტკოინებმაც უნდა აჯობონ.

„თუ ბლოკჩეინის ტექნოლოგიის მომავლის გჯერათ, მაშინ ციფრული აქტივების მთელმა სივრცემ ბიტკოინს უნდა აჯობოს.

საზოგადოება ახლა ექსპონენციურ აღმავალ ტრენდში იმყოფება და იღებს მთელს კრიპტო სივრცეს და არა მხოლოდ ცალკეულ ბიტკოინს. დროთა განმავლობაში, ალტკოინებმა ბიტკოინს უნდა აჯობონ, ეს გარდაუვალია.“- ამბობს ექსპერტი.

მისი აზრით, საქმე არ ეხება ეთერიუმისა და ბიტკოინის ღირებულებას, არც იმას რომ ბიტკოინი მოგვწონს იმის გამო,

„რომ არის X, ხოლო ეთერიუმი გვირჩევნია იმის გამო რომ არის Y “, საქმე ქსელის დანერგვის მოდელებშია, აღნიშნავს მაკროეკონომისტი.

როგორც კი კრიპტო საზოგადოება ამას გააცნობიერებს, მათი ცნობიერება განთავისუფლდება ნარატივისგან, რომელიც ბიტკოინს ყველა სხვა კრიპტოვალუტისგან გამოყოფს, ამტკიცებს პალი.