ეთერიუმი ფასიან ქაღალდს არ წარმოადგენს

ეთერიუმი ფასიან ქაღალდს არ წარმოადგენს

Bloomberg Intelligence-ის ანალიტიკოსის თქმით, აშშ-ს ფასიანი ქაღალდებისა და ბირჟების კომისიამ (SEC) თავისი ქმედებებით დაადასტურა, რომ ეთერიუმი ფასიან ქაღალდს არ წარმოადგენს.

ანალიტიკოსმა ჯეიმს სეიფარტმა (James Seyffart) ყურადღება იმაზე გაამახვილა, რომ ამერიკულმა მარეგულირებელმა ტოკენების გაყიდვის გამო, რომლებიც დეპარტამენტის ცნობით არარეგისტრირებულ ფასიან ქაღალდებს წარმოადგენენ, კრიპტოვალუტის არაერთი პროექტის წინაამდეგ შეიტანა სარჩელი.

გამონაკლისს Ethereum Foundation წარმოადგენს.

ის, რომ ETH ფასიანი ქაღალდების კატეგორიას მიეკუთვნება, SEC-ს საჯაროდ არასდროს განუცხადებია.

„ეთერიუმის შესახებ SEC-ის დუმილი მხოლოდ იმაზე მიუთითებს, რომ ამ დროისთვის მარეგულირებელმა ეს კრიპტოვალუტა როგორც საქონელი ცალსახად აღიარა. სააგენტომ ასევე დაამტკიცა ETF ეთერიუმის ფიუჩერსებზე. თუ ეთერიუმს ფასიან ქაღალდად გამოაცხადებენ, ავტომატურად მოუწევთ ეთერიუმის ფიუჩერსების, როგორც ფასიანი ქაღალდების ლისტინგიდან ამოღება. მაშინ, როცა მათ გაშვებას თავად SEC უკვე დათანხმდა.“ – თქვა ანალიტიკოსმა.

ჯეიმს სეიფარტმა ხაზგასმით აღნიშნა: თუ სიტუაცია ამ სცენარის მიხედვით განვითარდება, SEC არა მხოლოდ კრიპტო ინდუსტრიას, არამედ აშშ-ს სასაქონლო ფიუჩერსების სავაჭრო კომისიასაც (CFTC) დაუპირისპირდება, რომელიც ფიუჩერსულ კონტრაქტებს არეგულირებს.

ანალიტიკოსის პროგნოზის მიხედვით, 2024 წელს SEC-ის თავმჯდომარე გერი გენსლერი (Gary Gensler) აღიარებს, რომ ბიტკოინი საქონელია. ეთერიუმის შესახებ კი კვლავაც დუმილს ამჯობინებს.

ეს კიდევ ერთხელ ამტკიცებს, რომ ეთერიუმი ფასიანი ქაღალდი არ არის.

გენსლერს არაერთხელ აღუნიშნავს, რომ არსებული კანონები კრიპტოვალუტის კომპანიების წინააღმდეგ სააღსრულებო ზომების მისაღებად სავსებით საკმარისია.

მარეგულირებელი სააგენტოს ხელმძღვანელის თქმით, ბაზრის მონაწილეები ვალდებულნი არიან დაიცვან ის წესები, რომლებსაც ტრადიციული ფინანსური ინსტიტუტები ექვემდებარებიან.