ეთერიუმი შესაძლოა ცენტრალიზებული გადახდების ალტერნატივად იქცეს
ეთერიუმის თანადამფუძნებლის ვიტალიკ ბუტერინის განცხადებით, ცენტრალიზებული გადახდის სისტემების შეფერხების შემთხვევაში საბაზრო კაპიტალიზაციის მიხედვით სიდიდით მეორე კრიპტოვალუტა შესაძლოა საიმედო ალტერნატივად იქცეს.
ბუტერინის განცხადებას წინ გამოცემა The Guardian-ის პუბლიკაცია უძღოდა, რომლის მიხედვით შვედეთის მთავრობამ, გეოპოლიტიკური დაძაბულობის ზრდის ფონზე მოქალაქეებს ნაღდი ფულის უფრო ხშირად გამოყენებისკენ მოუწოდა.
„ჩრდილოეთ ევროპის ქვეყნები უარს ამბობენ „უნაღდო საზოგადოების“ კონცეფციაზე, რადგან მათი ცენტრალიზებული სისტემები არასანდო გამოდგა. კვლავაც არის ნაღდი ფულის, როგორც სარეზერვო აქტივის საჭიროება. ამ როლის მოსარგებად, შესაძლოა ეთერიუმი
საკმარისად სტაბილური და კონფიდენციალური აღმოჩნდეს.“ – აღნიშნა ბუტერინმა.
მან ასევე დასძინა, რომ სრულად ავტონომიური და უსაფრთხო კონფიდენციალური გადარიცხვების ტექნოლოგიური რეალიზაცია უკვე ძალიან ახლოსაა, თუმცა არა შეზღუდვების გარეშე.
„ჩვენ გვესმის თუ როგორ განვახორციელოთ ეს, მაგრამ ნებისმიერი გადაწყვეტა ორ ფაქტორზეა დამოკიდებული: ან აღჭურვილობის საიმედოობაზე, ან ორმაგი ხარჯვის თავიდან აცილების მექანიზმებზე.“- განმარტა მან.
გარდა ამისა, ბუტერინმა კიდევ ერთხელ დაადასტურა, რომ აპირებს კონფიდენციალურობის საკითხებსა და კრიპტო საზოგადოებაში უსაფრთხო ურთიერთქმედების ინსტრუმენტებს მეტი ყურადღება მიაქციოს.
ადრე ვიტალიკ ბუტერინი ბიტკოინის მინიმალისტური დიზაინით იყო შთაგონებული და დეველოპერებს ქსელის უსაფრთხოების პარამეტრების შენარჩუნების პარალელურად Ethereum-ის ძირითადი პროტოკოლის გაემარტივებისკენ მოუწოდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)