by Giorgi 
ემირატებმა პირველი დოლარზე მიბმული სტეიბლკოინი გამოუშვა
კომპანიამ Universal Digital International არაბთა გაერთიანებულ საემიროებში (UAE) მთავრობის მიერ ოფიციალურად დამტკიცებული აშშ დოლარით უზრუნველყოფილი პირველი სტეიბლკოინის (USDU) გამოშვების შესახებ გამოაცხადა.
კომპანიის განცხადების თანახმად, Universal Digital გახდა უცხოური ტოკენების პირველი ემიტენტი, რომელიც არაბთა გაერთიანებული საემიროების ცენტრალური ბანკის მიერ საგადახდო ტოკენების მომსახურების რეგულაციის (PTSR) შესაბამისად დარეგისტრირდა.
USDU-ს გამოშვება ERC-20 ტოკენის სახით Ethereum-ზე მიმდინარეობს. კომპანიის წარმომადგენლების თქმით, რეზერვები აშშ დოლარით, 1:1 თანაფარდობით არის უზრუნველყოფილი და Universal-ის საბანკო პარტნიორების: Emirates NBD, Mashreq და Mbank-ის შიდა ანგარიშებზე ინახება. აქედან Mbank კორპორატიული საბანკო მომსახურების სფეროში Universal-ის სტრატეგიულ პარტნიორს წარმოადგენს.
„ჩვენ თვალს ვადევნებთ ინსტიტუციონალური ინტერესის ზრდას რეგულირებადი ციფრული ინსტრუმენტების მიმართ და Universal-ის მიერ USDU-ს გამოშვება დროული ნაბიჯია, რომელიც ხელს უწყობს ამ ბაზრის განვითარებას.“ – განაცხადა Mashreq-ის გუნდმა.
Universal Digital-სა და კომპანია Aquanow-ის მოლაპარაკების შედეგად, მომსახურების მიმწოდებლების რეგულირებადი ქსელის მეშვეობით USDU-ს გლობალურ ციფრული აქტივების ეკოსისტემაში ინტეგრირება მოხდება, რის შედეგადაც სტეიბლკოინებზე წვდომის შესაძლებლობა არაბთა გაერთიანებული საამიროების ფარგლებს გარეთ მყოფ კორპორატიულ მყიდველებსაც ექნებათ.
სიახლეების გამოწერა
