ენდრიუ ტეიტის აზრით ყველა კრიპტო ტრეიდერი ლუზერია

ენდრიუ ტეიტის აზრით ყველა კრიპტო ტრეიდერი ლუზერია

ყოფილმა კიკბოქსიორმა და პოპულარულმა ბლოგერმა ენდრიუ ტეიტმა კრიპტოვალუტების მეშვეობით ფულის გამომუშავებაზე უარყოფითად ისაუბრა, მიუხედავად იმისა, რომ წარსულში მას ციფრული აქტივების მიმართ ინტერესი არაერთხელ გამოუვლენია.

ბოლო პოდკასტში, ენდრიუ ტეიტმა (Andrew Tate) განაცხადა, რომ კრიპტო აქტივებით ბევრი ფულის შოვნა ერთადერთი სცენარია, რომელსაც საზოგადოებისთვის არანაირი სარგებლის მოტანა არ შეუძლია.

„მონეტის ყიდვა და შემდეგ გამდიდრება, როცა მისი ფასი ავარდება, ზარმაცის ოცნებაა. ამით არც საქმე კეთდება და არც სამყაროსთვის იქმნება რაიმე სასიკეთო.“ – განაცხადა ტეიტმა.

ყოფილმა სპორტსმენმა კრიპტოვალუტით ვაჭრობა აზარტულ თამაშს შეადარა. მისი თქმით, როდესაც ერთი ადამიანი იგებს, მეორე აუცილებლად აგებს. მაგალითად, თუ თქვენ იყიდით მონეტას 1 დოლარად და გაყიდით მას 10-ად, მონეტის ფასის დაცემის შემთხვევაში მყიდველი ფულს დაკარგავს.

მიუხედავად ამისა, ტეიტი თავად აცხადებს, რომ მან ციფრულ აქტივებში ინვესტიციების წყალობით დაახლოებით 70 მილიონი დოლარი გამოიმუშავა. ამავე დროს, ის დარწმუნებულია, რომ კრიპტოვალუტებმა ადამიანის პიროვნება არ უნდა განსაზღვრონ.

„ხარ თუ არა ლუზერი, თუ ინტერნეტში კრიპტოვალუტით ცოტა ფულს გამოიმუშავებ და მაშინვე პროფილის ფოტოზე დებ და მეტსახელს იცვლი? ხალხი ცდილობდა დავერწმუნებინე NFT-ებში მომეხდინა ინვესტირება. მე უარი ვთქვი, რადგან მორალურად წინააღმდეგი ვარ… მე არასოდეს შევქმნი კრიპტოვალუტას, რადგან არ მინდა რომელიმე იდიოტი გავამდიდრო“ – აცხადებს სკანდალური ბლოგერი.

უნდა აღინიშნოს, რომ ტეიტს კრიმინალთან კავშირისა და სიძულვილის ენის გამო რამდენიმე სოციალური პლატფორმით სარგებლობა აეკრძალა.

გასულ წელს ბლოგერი გამომწერებს „pump“ სქემის მეშვეობით რამდენიმე ალტკოინის ფასის „აგდებას“ დაჰპირდა. მაშინ, როცა მანამდე კრიპტოვალუტების მიმართ ინტერესს უარყოფდა.

2022 წელს ტეიტმა განაცხადა, რომ ის მხოლოდ ბიტკოინზეა დამოკიდებული და მთავრობას არ ენდობა.