ენტონი სკარამუჩი ბიტკოინს Amazon-ის აქციებს ადარებს

ენტონი სკარამუჩი ბიტკოინს  Amazon-ის აქციებს ადარებს

საინვესტიციო კომპანია SkyBridge Capital-ის დამფუძნებლის აზრით, ბიტკოინის ეკოსისტემა განაგრძობს განვითარებას და 2024 წლისთვის პირველი კრიპტოვალუტის მომხმარებელთა რიცხვი 1 მილიარდამდე გაიზრდება.

ენტონი სკარამუჩი (Anthony Scaramucci) მიიჩნევს, რომ ბიტკოინი არის ტექნოლოგია, რომელმაც დროს გაუსწრო.

მისი თქმით, მომავალში პირველი კრიპტოვალუტის ფასი ისეთივე იქნება, როგორიც Amazon-ის აქციების ბაზარზე შესვლის დასაწყისში.

მან ყურადღება  ექსტრემალური ვოლატილობის პირობებში Amazon-ის აქციების გრძელვადიან მომგებიანობაზე გაამახვილა. 

„ მე გადავიტანე Nasdaq-ის კრახი 2000 წელს და ბევრი რამ განადგურდა, მაგრამ  ის რაც ხარისხიანი იყო შენარჩუნდა.

თქვენ დაუბრუნდებით Amazon-ს, მაგალითად, დროის რვა პერიოდში,  როდესაც ის მისი დაარსების დღიდან  მინიმუმ 50%-ით დაეცემა, მაგრამ თუ თქვენ Amazon-ში 10,000$ ინვესტიცია  მისი IPO-ს დროს ჩადეთ, დღეს ეს  22 მილიონი დოლაარი იქნება.

საბოლოო ჯამში, საუბარია ხარისხის ყიდვაზე და იმის აღიარებაზე, რომ ბიტკოინი არ არის დაგროვების საშუალება, ტექნიკურად ეს ვალუტაა. მაგრამ ეს ტექნოლოგიის ადრეული დანერგვაა და მაღალი ვოლატილობა მოსალოდნელია.“

სკარამუჩი არ ცდილობს იწინასწარმეტყველოს, თუ სად მიიყვანს ბიტკოინს  არასტაბილურობა მოკლევადიან პერსპექტივაში. თუმცა, აგრძელებს მტკიცებას, რომ ბიტკოინის საერთო ტენდენცია კვლავაც აღმავალია.

”მე ვერ შევძლებდი მაგალითად იმის წინასწარმეტყველებას, თუ რა მოხდებოდა 2021 წელს. მაგალითად, ჩინეთში მაინინგის აკრძალვა,

ასევე ილონ მასკის 3 მილიარდი დოლარის შენაძენს მისი კომპანიებისა და პირადი ინვესტიციების საშუალებით.

მე ვერ ვიწინასწარმეტყველებ, რა მოხდება წელს, მაგრამ მზად ვარ ვივარაუდო, რომ ამ წლის 31 დეკემბერს ბევრად მეტ ადამიანს ექნება ბიტკოინი, ვიდრე ადრე.“

სკარამუჩის თქმით, 2024 წლისთვის გამოყენებული იქნება 500 000 – 1 მილიარდი კრიპტოვალუტის საფულე. საზოგადოება გადარჩება ბიტკოინის დაცემას. 

შეგახსენებთ, რომ 2021 წელს სკარამუჩიმ თქვა, რომ ბიტკოინი მალე 500 000 დოლარი ეღირება.

წყარო: https://bits.media/