ექსპერტმა ყველაზე პერსპექტიული ალტკოინები დაასახელა

ექსპერტმა ყველაზე პერსპექტიული ალტკოინები დაასახელა

ციფრული აქტივების ექსპერტი მიჩნევს, რომ ახლა  ინვესტიცია Ethereum-სა და სამ სხვა ალტკოინშია მომგებიანი. ის საინვესტიციო პორტფელში Solana-სა და Terra-ს დამატებას მომდევნო ციკლში გეგმავს.

კრიპტოვალუტის ანალიტიკოსმა ბენჯამინ კოუენმა (Benjamin Cowen) InvestAnswers-ის პოდკასტზე განაცხადა, რომ  პირველი დონის ბლოკჩეინებზე ყველაზე პერსპექტიული ალტკოინებია Ethereum, Cardano (ADA), Avalanche (AVAX) და Polkadot (DOT).

კოუენი ყველაზე პერსპექტიული ალტკოინებიდან ნომერ პირველ პროექტად Ethereum-ს გამოარჩევს:

„ვფიქრობ, Ethereum უდავოდ საუკეთესოა. ამ დროისთვის სხვა კრიპტოვალუტები მასთან ახლოსაც ვერ მოვლენ. მე ვაფასებ დეცენტრალიზაციას.

პროექტებს შორის კონკურენცია დეცენტრალიზაციას, მასშტაბურობასა და უსაფრთხოებას შორის თამაშია.“

კოუანის თქმით, ეთერიუმის გარდა მან ინვესტიცია  სამ სხვა კრიპტოვალუტაში მოახდინა:

„გარდა Ethereum-ისა , ამ საბაზრო ციკლში ინვესტიცია  Avalanche-სა და Cardano-ში მაქვს ჩადებული. არის სხვა კარგი ალტკოინებიც.

რთულია Terra-ს (LUNA) იგნორირება, როდესაც პროექტი ფაქტიურად მილიარდობით დოლარის ბიტკოინს ყიდულობს“- თქვა ანალიტიკოსმა.

ექსპერტმა განმარტა, რატომ არ ჩადო ინვესტიცია Ethereum-ის კონკურენტებში Solana-სა (SOL) და Terra-ში (LUNA):

„პროექტები, როგორიცაა LUNA და Solana, ვერ ვიტყვი რომ არ მომწონს. უბრალოდ, მე  მათთან დავაგვიანე. უფრო ადვილია  იმ პროექტებზე ფოკუსირება, რომლებშიც ინვესტირება რეალურად ადრე დაიწყეთ“

კოუენი  Ethereum-ის პოპულარულ კონკურენტებში ინვესტირებას მომავალ ჯერზე განიხილავს.

„რა თქმა უნდა, ბევრი პროექტია, რომელიც არც ისე მაინტერესებს, ამიტომ მათ არ ჩამოვთვლი.

მაგრამ ახლა Cardano-ს, Polkadot-ის, Ethereum-ისა და Avalanche-ს ციკლია. შემდეგ ციკლში, სავარაუდოდ, ამ პროექტებში ჩავდებ ინვესტიციას“ – აღნიშნა კოუენმა.

საყურადღებოა, რომ ცოტა ხნის წინ, კრიპტოვალუტის პოპულარულმა ანალიტიკოსმა და Heisenberg Capital-ის დამფუძნებელმა, მაქს კეიზერმა (Max Keiser)  Ethereum-ს და სხვა ალტკოინებს „თაღლითური სქემები“ უწოდა. მისი აზრით, ყურადღებას მხოლოდ ბიტკოინი იმსახურებს.