ვენესუელა კრიპტოვალუტის და უცხოური ვალუტის ტრანზაქციებზე 20%-იან გადასახადს აწესებს
ვენესუელის მთავრობამ ახალი გადასახადი დააწესა, რომელიც ციფრული და უცხოური ვალუტების გამოყენებით განხორციელებულ ტრანზაქციებსა და გადახდებს შეეხება.
ქვეყნის ეროვნული ასამბლეის მიერ დამტკიცებული „მსხვილი ფინანსური ტრანზაქციების გადასახადი“ მიზნად ეროვნული ვალუტის აქტუალიზაციას ისახავს.
ქვეყნის ხელისუფლების განცხადებით, ბოლო წლებში ვენესუელური ბოლივარი ციფრული ვალუტების პოპულარობის ფონზე ნაკლებად პოპულარული გახდა.
გადასახადი კრიპტოვალუტისა და უცხოური ვალუტების გამოყენებით ნებისმიერ გადახდასა თუ ტრანზაქციაზე მოქალაქეებისა და კომპანიებისვის 20%-იან საკომისიოს გულისხმობს.
ქვეყნის ხელისუფლება აღიარებს კრიპტოვალუტის, როგორც გადახდის საშუალების მნიშვნელობას, მაგრამ ექსპერტების აზრით, კანონის შემოღების მთავარი მიზეზი აშშ დოლარია.
დოლარის გამოყენებით განხორციელებული ტრანზაქციები ქვეყანაში გადახდების მთლიანი მოცულობის 65%-ს შეადგენს. როგორც ვენესუელელმა ეკონომისტმა ხოსე გუერამ (Jose Guerra) აღნიშნა, კანონპროექტი ქვეყნის იმ მოქალაქეების „ჯიბეს შეეხება“ რომლებიც უცხოურ ან ციფრულ ვალუტას დანაზოგის დაგროვებისთვის იყენებენ.
„უნდა ვაღიაროთ, რომ უცხოურმა ვალუტამ და გარკვეულწილად კრიპტოვალუტებმა ქვეყანაში ნაღდ ფულთან დაკავშირებული პრობლემები გადაჭრეს და ადამიანებს დანაზოგის უსაფრთხოდ შენახვაში დაეხმარნენ. ახალი კანონპროექტი გადახდის ერთ საშუალებას მეორეზე უპირატესობას მიანიჭებს.“ – აღნიშნა გუერამ.
გასული წლის ოქტომბერში ვენესუელის საერთაშორისო აეროპორტის ხელმძღვანელობამ განაცხადა, რომ აეროპორტი BTC, DASH და ასევე სახელმწიფო ციფრულ ვალუტას Petro-ში გადახდებს მიიღებს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)