თურქეთი ციფრული ლირის ტესტირების მეორე რაუნდზე გადავიდა

თურქეთი ციფრული ლირის ტესტირების მეორე რაუნდზე გადავიდა

თურქეთის ცენტრალური ბანკის განაცხადებით, მან საკუთარი ციფრული ვალუტის (CBDC) ტესტირების პირველი რაუნდი წარმატებით დაასრულა და კვლევის მეორე ფაზაზე გადავიდა.

ციფრული თურქული ლირის ტესტირების მეორე რაუნდი CBDC სისტემის მოქმედ საგადახდო ინფრასტრუქტურასთან თავსებადობაზე იქნება ფოკუსირებული.

ამისათვის მარეგულირებელმა საპილოტე პროექტში შესაძლოა მეტი მონაწილე ჩართოს, მათ შორის გადახდის სერვისის პროვაიდერები და კომერციული ბანკები.

თურქეთის ცენტრალურმა ბანკმა აღნიშნა, რომ გარდა ავტონომიური ფუნქციონირების პოტენციური პრობლემების გამოვლენისა, ის რეალური სცენარით, ციფრული ლირის სტრეს-ტესტებს ჩაატარებს.

ექსპერიმენტების მეორე რაუნდი ასევე საცალო CBDC-ის დანერგვის იურიდიულ და ეკონომიკურ შედეგებს შეისწავლის. ამავდროულად, ცენტრალური ბანკის ციფრული ვალუტის ეტაპობრივი დანერგვისთვის სტრატეგიების შემოწმება მოხდება.

თურქეთის ცენტრალური ბანკი დაინტერესებულია ციფრული ლირას შესაძლებლობები სხვადასხვა სფეროში გამოიკვლიოს. მაგალითად,  ტრანსსასაზღვრო გადახდების, საერთაშორისო სავალუტო ფონდთან (IMF) და საერთაშორისო ანგარიშსწორების ბანკთან (BIS) თანამშრომლობით. მიუხედავად დიდი გეგმებისა, თურქეთის ხელისუფლებას ციფრული ლირის ამოქმედებასთან დაკავშირებით საბოლოო გადაწყვეტილება ჯერ არ მიუღია.

იმის გათვალისწინებით, რომ თურქეთის მოსახლეობის 40%-ს საბანკო პროდუქტებზე წვდომა არ გააჩნია,  ციფრული ლირის შემოღებამ შესაძლოა მოსახლეობაში ფინანსური ინკლუზია გააუმჯობესოს.