ილონ მასკის ტვიტები ინვესტორებზე ზემოქმედებას ახდენს
Investing.com-ის გამოკითხვის თანახმად Tesla და SpaceX-ის აღმასრულებელი დირექტორის, ილონ მასკის ტვიტებმა
მაინინგის გარემოზე ზიანის მომტანი ზემოქმედების შესახებ, ბიტკოინის მიმართ ამერიკელი ინვესტორების დამოკიდებულება მკვეთრად შეცვალეს.
გამოკითხვაში მონაწილეობა 1103-მა ინვესტორმა მიიღო. მათგან 49%-ს მიაჩნია, რომ თუ მაინინგი გარემოსთვის საზიანოა,
ისინი ბიტკოინში ინვესტირებისგან თავს შეიკავებენ. გამოკითხულთა 70%-ის განცხადებით ისინი უპირატესობას უფრო „მწვანე“
კრიპტოვალუტებში ინვესტირებას მიანიჭებდნენ. რესპოდენტების 36%-მა აღიარა, რომ ბიტკოინის გარემოზე უარყოფითი გავლენის
შესახებ არაფერი იცოდა სანამ ეს საკითხი ტვიტერზე მასკმა არ წამოწია.
მაისში მასკმა გამოაცხადა, რომ Tesla ბიტკოინით ანგარიშსწორებას აღარ დაუშვებს და მხოლოდ მაშინ განაახლებს, როცა მაინერები
ბიტკოინის მოსაპოვებლად განახლებადი წყაროებიდან მიღებული ენერგიის გამოყენებაზე გადავლენ.
Ark Investment Management-ის დამფუძნებელს, ქეთრინ ვუდს (Catherine Wood) მიაჩნია, რომ ეს იყო ერთ-ერთი მიზეზთაგანი,
რის გამოც ბიტკოინის და მთელი კრიპტოვალუტის ბაზრის ვარდნა დაიწყო. მაინინგის გარემოზე უარყოფითი ზემოქმედების შესახებ
დისკუსიამ ჩინეთში მისი აკრძალვა გამოიწვია. ხელისუფლებამ ქსელიდან გათიშა მაინერები სინჯიანგისა და სიჩუანის პროვინციებშიც,
რომლებიც ჰიდროელექტროსადგურების სიუხვის გამო მაინერებისთვის მიმზიდველ ლოკაციებს წარმოადგენდნენ. ამან მაინერები
აიძულა მოწყობილობები გაეყიდათ ან ჩინური სამაინინგო პულის BTC.com-ის მსგავსად სხვა ქვეყნებში გადაბარგებულიყვნენ.
Investing.com-ის გამოკითხვის შედეგებით მონაწილეთა 30%-მა საკუთარი ბიტკოინები წინა თვიში გაყიდა. ამასთან, ყოველი მეხუთე მათგანის გადაწყვეტილებაზე გავლენა ილონ მასკის კომენტარებმა იქონია. გამოკითხულთა 33% ილონ მასკის ტვიტებს ბიტკოინზე გამაღიზიანებლად მიიჩნევს, 22% – უსამართლოს, ხოლო 27% – გასართობს. კითხვაზე, თუ რა გავლენა მოახდინა მასკის ტვიტებმა მათ დამოკიდებულებაზე კრიპტოვალუტების მიმართ 51%-მა უპასუხა, რომ „მასკს გადაჭარბებული ძალაუფლება აქვს“, 24% კი პირიქით, ფიქრობს რომ მილიარდერს არ შეუძლია კრიპტოვალუტის ინდუსტრიაზე რაიმე სახის ზეგავლენა მოახდინოს.
„მას შემდეგ, რაც ილონ მასკი „კრიპტო საზოგადოების მეფედ“ აღიარეს და ასევე ბიტკოინზე ბოლოდროინდელი განცხადებების გამო მან ბევრი მტერი შეიძინა. ბიტკოინის ფასი ძირითადად ფსიქოლოგიური განწყობებით განისაზღვრება და ახლა მას აღდგენა გაუჭირდება.“- განაცხადა Investing.com-ის ანალიტიკოსმა ჯესი კოენმა (Jesse Cohen).
წყარო: https://bits.media
ილონ მასკის ტვიტები ინვესტორებზე ზემოქმედებას ახდენს
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)