ინდოეთი კრიპტოვალუტით ვაჭრობაზე 30%-იან გადასახადს აწესებს
2022 წლის 1 აპრილიდან ინდოეთის ფინანსთა სამინისტრო (MF) კრიპტოვალუტისა და NFT ნებისმიერ ტრანზაქციაზე 30%-იანი გადასახადის დაწესებას აპირებს.
ამასთან, გადასახადის შემოღება ქვეყანაში ციფრული აქტივების ლეგალიზაციას ავტომატურად არ ნიშნავს.
ახალი გადასახადის შესახებ პარლამენტის დეპუტატებთან სიტყვით გამოსვლისას ფინანსთა მინისტრმა ნირმალა სითჰარამანმა (Nirmala Sitharaman) განაცხადა. ინდურმა მედიამ და ბლოგერებმა მომხდარს კრიპტოვალუტების ლეგალურ აქტივად ოფიციალური აღიარების ინტერპრეტაცია ნაჩქარევად მისცეს.
თუმცა, პირდაპირი გადასახადების ცენტრალური საბჭოს (CBDT) ხელმძღვანელმა ჯაგანათ ბიდიადჰარ მოჰაპტრამ (Jagannath Bidyadhar Mohapatra) გადასახადის აუცილებელობა მალევე განმარტა: ის აუცილებელია, რომ მთავრობამ გაიგოს, რამდენად განვითარებულია კრიპტო ინდუსტრია ქვეყანაში. უფრო მეტიც, გადასახადის დაწესება „ხელისუფლებას უკანონო საქმიანობის გამოვლენასა და აღკვეთაში დაეხმარება.“
„ციფრული აქტივებით ვაჭრობა ან ტრანზაქციები ვერ გახდება ლეგალური, თუ მათზე გადასახადს გადაიხდით.“- განაცხადა ფისკალური დეპარტამენტის ხელმძღვანელმა.
კრიპტოვალუტებით ვაჭრობის კანონიერების დადგენა მხოლოდ პარლამენტის მიერ შესაბამისი დოკუმენტის მიღების შემდეგ იქნება შესაძლებელი, დასძინა მოჰაპტრამ.
ინდოეთის მთავრობა კრიპტოვალუტების გამოყენების ნორმატიულ-საკანონმდებლო ბაზაზე 2019 წლიდან მუშაობს. მაგრამ შესაბამისი კანონპროექტი პარლამენტში სულ ახლახანს შევიდა.
ამასთან უნდა აღინიშნოს, 2021 წელს Bloomberg-ი ანონიმურ წყაროებზე დაყრდნობით იტყობინებოდა, რომ ინდოეთის ხელისუფლება კრიპტოვალუტების სრულად აკრძალვას გეგმავს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)