ისრაელი უცხოელ კრიპტო ინვესტორებს გადასახადებისგან გაათავისუფლებს

ისრაელი უცხოელ კრიპტო ინვესტორებს გადასახადებისგან გაათავისუფლებს

ისრაელი განიხილავს კანონპროექტს, რომელიც უცხოელ ინვესტორებს ციფრული ვალუტებით ვაჭრობის შემთხვევაში საშემოსავლო გადასახადისგან გაათავისუფლებს.

დოკუმენტის განხილვა წინასწარი მოსმენით ქვეყნის პარლამენტში,  ქნესეტში 5 ივლისს შედგა.

კანონპროექტის ავტორი ქნესეტის წევრი დენ ილუზია (Dan Ilouz). მისი თქმით, კანონპროექტი მმართველი კოალიციის პარტიების სრული მხარდაჭერით სარგებლობს.

ილუზი მიიჩნევს, რომ კანონპროექტმა  მთელი მსოფლიოს მასშტაბით ინვესტორებისთვის ქვეყნის მიმზიდველობა უნდა გაზარდოს.

„ამ სფეროში ისრაელის კომპანიების რიცხვის ზრდის  მიუხედავად, ქვეყანაში ამჟამად არსებული რეგულაციები ციფრული ვალუტის ინდუსტრიასთან არ არის ადაპტირებული. ამიტომ, შემოთავაზებულია არაერთი საკანონმდებლო ცვლილება, რომლებმაც რეგულაციების ხარვეზები უნდა შეამცირონ.“ —განაცხადა ილუზმა.

ისრაელის კრიპტო კომპანიების ფორუმის (ICBW3) თანადამფუძნებლების, ნირ ჰირშმანისა (Nir Hirshman) და შაული რეჯვანის (Shauli Rejwan) თქმით, კანონპროექტი ნათლად აჩვენებს, რომ ისრაელი კრიპტოვალუტების მხარდამჭერია.

„ ფინანსთა მინისტრმა ბეზალელ სმოტრიჩმა (Bezalel Smotrich) სექტორი გაააქტიურა და გლობალურ ინვესტორებსა და კომპანიებს მკაფიოდ მოუწოდა, რომ ისრაელი ბიზნესის წარმოებისთვის ყველას იწვევს.“ – განაცხადეს მათ.

აღსანიშნავია, რომ კანონპროექტში ასევე შემოთავაზებულია ტერმინის „ციფრული ვალუტა“ ტერმინ „ფასიანი ქაღალდისგან“ განცალკევებით გამოყენება.

ცოტა ხნის წინ, ისრაელის ფინანსთა სამინისტროს მთავარი ეკონომისტი შირა გრინბერგი (Shira Greenberg) კრიპტო ინვესტორების დაცულობის გაზრდის მიზნით, კანონმდებლობის განახლებისა და ISA-ს უფლებამოსილების გაფართოების ინიციატივით გამოვიდა.