ეთერიუმის კურსმა გადალახა ისტორიული მაქსიმუმი და 1500$-ის ნიშნულს მიაღწია. ამაზე იმოქმედა ეთერიუმ 2.0-ის სთეიქინგის უსაფრთხოებაზე ConsenSys-თან და Securosys-თან თანამშრომლობის შესახებ ინფორმაციის გავრცელებამ.
2 თებერვალს ETH-მა 1500$-ს მიაღწია, მაგრამ ვერ შეძლო ამ ნიშნულზე დიდხანს დაყოვნება და 1464$-ზე ჩამოვიდა. მისი შემდგომი ზრდისთვის დაბრკოლებები არ არსებობს. ფასის ზრდის ფონზე ეთერიუმის საბაზრო კაპიტალიზაცია 170 მილიარდ დოლარს უახლოვდება.
წინამორებედი რეკორდული მაჩვენებელი 19 იანვარს დაფიქსირდა და 1440$-ს მიაღწია. ეს გამოიწვია ინფორმაციამ მოსალოდნელი Berlin-ის ჰარდფორკის შესახებ, რომელიც ეთერიუმის მოქმედი სისტემის გაუმჯობესებაზე იყო მიმართული. იანვრის დასაწყისში, ეთერიუმის ფასი 730$-ს შეადგენდა. სულ რაღაც ერთ თვეში ის ორჯერ გაიზარდა.
ამჯერად ფასის ზრდაზე კომპანია ConsenSys-თან და Securosys-თან თანამშრომლობის შესახებ ინფორმაციამ იმოქმედა. პირველი ეთერიუმის ეკოსისტემის განვითარებაზე მუშაობს, მეორე კი კიბერუსაფრთხოებაზე. მათ ეთერიუმ 2.0-ში სთეიქინგის უსაფრთხო მეთოდზე დაიწყეს მუშაობა, რომელიც შესაძლებელს გახდის გასაღები კრიპტოაქტივების გამოტანისთვის Securosys-ის აპარატული უსაფრთხოების მოდულებში შეიქმნას, Codefi Staking-ის API-ის გამოყენებით.
Codefi Staking-ის მეშვეობით მომხმარებლებს შესაძლებლობა ექნებათ ეთერიუმი გადაიტანონ Beacon Chain-ში – ეთერიუმ 2.0-ის სასიგნალო ჯაჭვში. მომხმარებელთა გასაღები არ იქნება Codefi-ს ან Securosys-ის მიერ მართული – სთეიქერებს მათი კონტროლი დამოუკიდებლად შეეძლებათ. ეთერიუმ 2.0-ში ტრანზაქციის დადასტურებისთვის, ქსელის მომხმარებლებს სთეიქინგის დაწყება და გასაღების შექმნა მოეთხოვებათ.
„Codefi-ს ურთიერთქმედებით Securosys-ის აპარატული უსაფრთხოების მოდულებთან, ჩვენ მომხმარებლებისთვის ვუზრუნველყოფთ უმაღლესი დონის უსაფრთხოებას ეთერიუმ 1.0-დან ეთერიუმ 2.0-ზე გადასვლის დროს, “- ამბობს Codefi Staking-ის პროდუქტის განვითარების დირექტორი კუჰან ტარმანანტარი (Kuhan Tharmananthar).
Dune Analytics-ის პლატფორმის მონაცემებით, ეთერიუმ 2.0-ის სადეპოზიტო კონტრაქტზე უკვე ბლოკირებულია 3.7 მილიარდი დოლარის ღირებულების 2 877 986 ეთერიუმი.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)