იტალიურმა მარეგულირებელმა რამდენიმე კრიპტო პლატფორმა დაბლოკა
იტალიურმა კომპანიებისა და ბირჟების კომისიამ (CONSOB) მოქალაქეებს რამდენიმე პლატფორმაზე წვდომა შეუზღუდა. მარეგულირებლის მტკიცევით, ეს პლატფორმები უკანონო ინვესტიციებსა და კრიპტოვალუტებით უკანონო ვაჭრობას ახორციელებდნენ.
დაიბლოკა პლატფორმები: Luno Invest, Vantage Global Limited, Capital4it Ltd, Crypto Trade Club Ltd და Amlight-italiainvestment. იტალიის მარეგულირებლის განცხადებით, სწორედ ეს პლატფორმები ეწეოდნენ უკანონოდ უცხოური ვალუტებით, ციფრული აქტივებითა და კრიპტოვალუტის წარმოებულებით ვაჭრობას. ამიტომ დეპარტამენტმა საზოგადოებას მოუწოდა, ამ პროექტებში ინვესტირებისგან თავი შეიკავონ.
CONSOB-ის განცხადებით, ის კრიპტოვალუტების რეგულირების ნაკლებობასთან დაკავშირებული რისკებით შეშფოთებულია. კომისიამ ადგილობრივ ინტერნეტ პროვაიდერებს იტალიის მოქალაქეებისთვის პლატფორმების დაუყოვნებლივ დაბლოკვა უბრძანა მანამ, სანამ ისინი იმ წესების დაცვას არ უზრუნველყოფენ, რომლებიც ფინანსურმა კომპანიებმა უნდა დაიცვან. თუმცა, ტექნიკური მიზეზების გამო, ამ ვებგვერდებზე წვდომის შეზღუდვა რამდენიმე დღით გადაიდო.
CONSOB-ის განმარტებით, მისი ქმედებები მიზნად ინვესტორების თაღლითებისგან დაცვას ისახავს. Decreto Crescita კანონის შესაბამისად, რომელიც კომისიას იტალიელი ინვესტორებისთვის ონლაინ ბროკერებთან წვდომის შეზღუდვის შესაძლებლობას აძლევს, მარეგულირებლებმა მსგავსი ქმედებები ბოლო რამდენიმე წლის განმავლობაში უკვე განახორციელეს და დაახლოებით 1065 დომენი დაბლოკეს.
იტალიელი მარეგულირებლებისგან ქვეყანაში ოპერირების ნებართვა 2022 წლის ბოლოს კრიპტო კრედიტორმა Nexo-მ მიიღო. 2024 წლის მარტში კი იტალიაში ვირტუალური აქტივების სერვისის პროვაიდერად (VASP) ბირჟა Gate.io დარეგისტრირდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)