NBA-ს ყოფილ კალათბურთელს ტოკენ EMAX-ის უკანონო რეკლამისთვის 1.4 მილიონი დოლარის ჯარიმის გადახდა მოუწია.
პოლ პირსმა დანაშაული აღიარა და აშშ-ს ფასიანი ქაღალდებისა და ბირჟების კომისიის მიერ ტოკენ EMAX-ის სოციალურ მედიაში პოპულარიზაცისთვის დაკისრებული 1.4 მილიონი დოლარის ჯარიმის გადახდას დათანხმდა.
SEC-ის განცხადებით, პოლ პირსს (Paul Pierce) ტოკენ EthereumMax-ის (EMAX) Twitter-ზე პოპულარიზაციის დროს მომხმარებლებისთის არ გაუმჟღავნებია, რომ მას კრიპტო აქტივის რეკლამისთვის 244,000 დოლარი გადაუხადეს.
მარეგულირებლის თქმით, პირსს პროდუქტზე არასწორი ინფორმაციის გავრცელებით მომხმარებლები შეცდომაში შეჰყავდა. ასევე, მან Twitter-ზე საკუთარი საბანკო ანგარიშის სურათი გამოაქვეყნა, სადაც გაცილებით მაღალი თანხა იყო გამოსახული, ვიდრე მას რეალურად ჰქონდა ბალანსზე.
პირსმა დანაშაული აღიარა და კომისიასთან მორიგების ხელშეკრულება გააფორმა, რომლის მიხედვითაც ის 1,4 მილიონი დოლარის ჯარიმას გადაიხდის.
დავის მოგვარების შემდეგ, SEC-ის თავმჯდომარემ გარი გენსლერმა (Gary Gensler) განცხადება გაავრცელა,
რომელშიც ცნობილ ადამიანებს შეახსენა, რომ მათ ფასიანი ქაღალდების რეკლამისთვის მიღებული ჰონორარის გასაჯაროებას კანონი ავალდებულებთ.
გენსლერმა ასევე სიფრთხილისკენ ინვესტორებს მოუწოდა და ცნობილი სახეების მიერ შემოთავაზებული, განსაკუთრებით კრიპტოვალუტასთან დაკავშირებული საინვესტიციო შესაძლებლობების შესახებ საფუძვლიანი კვლევის ჩატარება ურჩია.
გასული წლის ოქტომბერში, მსგავსი შეთანხმება SEC-სა და ამერიკული სატელევიზიო რეალითი შოუს ვარსკვლავს კიმ კარდაშიანს შორის იქნა მიღწეული.
პოლ პირსის მსგავსად, კიმ კარდაშიანიც EMAX -ის რეკლამას ანაზღაურების სანაცვლოდ ეწეოდა. კარდაშიანს 1,2 მილიონი დოლარის ჯარიმის გადახდა მოუწია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)