კამალა ჰარისი შავკანიან კრიპტო ინვესტორებს საკანონმდებლო მხარდაჭერას დაჰპირდა

კამალა ჰარისი შავკანიან კრიპტო ინვესტორებს საკანონმდებლო მხარდაჭერას დაჰპირდა

აშშ-ს პრეზიდენტობის კანდიდატმა დემოკრატიული პარტიიდან კამალა ჰარისმა წარადგინა პროგრამა, რომელიც შავკანიანი კრიპტო ინვესტორების მხარდაჭერის მიზნით საკანონმდებლო ცვლილებების გატარებას გულისხობს.

კამალა ჰარისის (Kamala Harris) თქმით, მის ხელთ არსებული მონაცემებით, ციფრულ აქტივებს შავკანიანი ამერიკელების 20%-ზე მეტი ფლობს. ცვალებადი ფინანსური ლანდშაფტის პირობებში მათ უმეტესობას გადაულახავ დაბრკოლებებთან დაპირისპირება უწევს.

ჰარისი შავკანიანი კრიპტო მეწარმეების ეკონომიკური გაძლიერების ხელშეწყობას მათთვის კაპიტალზე ხელმისაწვდომობის გაზრდის გზით, მაგალითად, 20000 დოლარამდე უპროცენტო კრედიტების გაცემით აპირებს.

„შავკანიანი მამაკაცებისთვის განკუთვნილი შესაძლებლობების პროგრამა ისეთი პირობების შექმნას გულისხმობს, რომ ამერიკის ციფრული აქტივების მფლობელმა მოსახლეობამ ფინანსური ინოვაციებით სარგებლობა შეძლოს.“ – თქვა ჰარისმა.

უნდა აღინიშნოს, რომ შავკანიანი კრიპტო ინვესტორების ასეთი სახით მხარდაჭერის გეგმა შავკანიანი ამერიკელებისთვის კანაფის ინდუსტრიაში შესაძლებლობების შექმნის დაპირებების პარალელურად გაჟღერდა..

პრეზიდენტობის კანდიდატის ამ დაპირებას წინ Cardano-ს დამფუძნებლის ჩარლზ ჰოსკინსონის (Charles Hoskinson) განცხადება უძღოდა, სადაც ის ამბობს, რომ აშშ-ს პრეზიდენტობის არცერთ კანდიდატს – არც რესპუბლიკელ ტრამპს და არც დემოკრატ ჰარისს – კრიპტოვალუტების შესახებ საკმარისი ცოდნა არ გააჩნიათ და  შეერთებულ შტატებში კრიპტო ინდუსტრიის განვითარებას ხელს ვერ შეუწყობენ.