კანადის შემოსავლების სააგენტომ Dapper Labs-ს მომხმარებლების მონაცემები მოსთხოვა
by Giorgi 
კანადის შემოსავლების სააგენტომ Dapper Labs-ს მომხმარებლების მონაცემები მოსთხოვა
კანადის შემოსავლების სააგენტომ (CRA) თამაშების NBA Top Shot-ისა და CryptoKitties შემქმნელი კომპანია Dapper Labs-ისგან გადასახადებისგან თავის ამრიდებელი კრიპტოვალუტის მფლობელთა იდენტიფიცირების მიზნით მომხმარებლების შესახებ ინფორმაცია მოითხოვა.
თავდაპირველად, CRA-მ Dapper Labs-სგან 18,000 მომხმარებლის შესახებ ინფორმაციის მიწოდება მოითხოვა. თუმცა, კომპანიის წარმომადგენლებთან და იურისტებთან მოლაპარაკების შემდეგ, სააგენტო მონაცემების მიღებას მხოლოდ 2,500 მომხმარებლის შესახებ დათანხმდა.
მსგავსი ფედერალური სასამართლოს ბრძანება, რომელიც მომხმარებლების მონაცემთა გადაცემას მოითხოვს, რამდენიმე წლის წინ ტორონტოში დაფუძნებული კრიპტოვალუტის ბირჟა Coinsquare-ის წინააღმდეგ გამოიცა.
ბოლო სამი წლის განმავლობაში, კანადის შემოსავლების სააგენტომ გადასახადებისგან თავის ამრიდებელი კრიპტო ტრეიდერებისგან 100 მილიონ კანადურ დოლარზე მეტი (72 მილიონი აშშ დოლარი) ამოიღო.
CRA-ს კრიპტო აუდიტის ჯგუფმა 230-ზე მეტი დოკუმენტი განიხილა და დაადგინა, რომ კრიპტო პლატფორმებით მოსარგებლე გადასახადების გადამხდელთა დაახლოებით 40%-მა ან არ ჩააბარა საგადასახადო დეკლარაცია, ან გადასახადებისგან თავის არიდების მაღალი რისკის ქვეშ იმყოფებოდა. თუმცა, CRA-მ ისიც აღიარა, რომ მას არ გააჩნია ეფექტური მეთოდები იმის დასადგენად, ასრულებენ თუ არა კრიპტო ტრეიდერები საგადასახადო ვალდებულებებს.
2020 წლიდან კანადის შემოსავლების სააგენტომ ციფრულ აქტივებთან დაკავშირებული ხუთი გამოძიება დაიწყო. გამოძიების გაჭიანურება სააგენტომ საერთაშორისო დონეზე კრიპტოაქტივების თვალყურის დევნების სირთულეს მიაწერა.
CRA-მ ხაზგასმით აღნიშნა, რომ ასეთი გამოძიებების ხანგრძლივობა საქმის სირთულეზე, ჩართული პირების რაოდენობაზე, შესაძლო დარღვევების მტკიცებულებების ხელმისაწვდომობასა და საერთაშორისო საგადასახადო ორგანოებთან თანამშრომლობაზე არის დამოკიდებული.
კანადის მთავრობამ პირობა დადო, რომ მომავალი წლისთვის კრიპტოვალუტასთან დაკავშირებული თაღლითობის წინააღმდეგ საბრძოლველად კრიპტოაქტივების საგადასახადო ანგარიშგების ახალ ჩარჩოს (CARF) აამოქმედებს.
ეს სტანდარტი ვირტუალური აქტივების მომსახურების მიმწოდებლებისგან (VASP) მომხმარებლების საგადასახადო ინფორმაციის შეგროვებას და საგადასახადო ორგანოებთან გაგზავნას მოითხოვს.
სიახლეების გამოწერა
