კარდანოს დამფუძნებელმა DeFi ინდუსტრია გააკრიტიკა

კარდანოს დამფუძნებელმა DeFi ინდუსტრია გააკრიტიკა

ჩარლზ ჰოსკინსონმა DeFi ინდუსტრიის ამჟამინდელი მდგომარეობა გააკრიტიკა.

Cardano-ს დამფუძნებელმა კრიპტოვალუტის ინდუსტრიის შასახებ თავისი შეხედულებები გააზიარა და მომავალი წლისთვის პროექტის გეგმები წარადგინა.

YouTube-ზე გამართული ვიდეოკონფერენციის დროს ჩარლზ ჰოსკინსონმა (Charles Hoskinson) თავისი  შარშანდელი ტვიტი გაიხსენა, რომელშიც ის ამბობდა, რომ წელს კარდანოზე ათასობით დეცენტრალიზებული აპლიკაცია და ასობით აქტივი გადავიდოდა.

მან აღიარა, რომ  თავის პროგნოზებში ცდებოდა და განმარტა, რომ Cardano blockchain-ზე ახლა უკვე ორ მილიონზე მეტი აქტივია გაშვებული, 

რომელთა უმეტესობა არაურთიერთჩანაცვლებადი (NFT) ტოკენია. რაც შეეხება Cardano- ზე დაფუძნებულ დეცენტრალიზებულ აპლიკაციებს, ჰოსკინსონს ამ სფეროში მნიშვნელოვანი ზრდა არ შეუმჩნევია.

მისი თქმით, ეს  შესაძლოა ნაწილობრივ Goguen-ის განახლების დაგვიანებას გამოეწვია,  რომელიც  ჭკვიანი კონტრაქტების დანერგვას ითვალისწინებს.

სექტემბერში,  Cardano -ს ქსელში ჰარდფორკი Alonzo გააქტიურდა. თუმცა, კარდანოზე დაფუძნებულ პირველი დეცენტრალიზებული აპლიკაცია Minswap-ს, მრავალი მომხმარებლის მიერ ჭკვიანი კონტრაქტების ერთდროული გამოყენების გამო მასშტაბირების პრობლემები შეექმნა.

მიუხედავად იმისა, რომ ჰოსკინსონის თქმით, ორ მილიონამდე მომხმარებლისა და ათასობით დეველოპერის ფონზე 2021 Cardano-ს ქსელის განვითარებისთვის შესანიშნავი წელი იყო, ქსელში DeFi პროექტების მნიშვნელოვანი აქტივობა არ შეინიშნება.

ჰოსკინსონის თქმით, Cardano-ს სამომავლო გეგმებში აფრიკაში საქმიანობის გაფართოვებისა და  ღია საწყისი კოდის მქონე სტრუქტურის ჩამოყალიბება შედის. ამ სტრუქტურას სხვადასხვა დაწესებულებები გამოიყენებენ. ასევე კარდანოს ერთ-ერთი მიზანი პირინგული სისტემისთვის ყველა აუცილებელი ინსტრუმენტის შექმნაა. ეს აფრიკული საბანკო სისტემის გვერდის ავლის შესაძლებლობას გააჩენდა.  ჰოსკინსონის აზრით, ეს სისტემა „მტაცებლურია და ცუდ ადამიანებს ხელისუფლებაში დარჩენის შესაძლებლობას აძლევს.“

ჰოსკინსონმა კრიპტოვალუტების სისტემასთან დაკავშირებით რამდენიმე უარყოფითი კომენტარი გააკეთა.

„ დეცენტრალიზაციას დაგვპირდნენ და რა მივიღეთ? ფოტოები, რომლებიც მილიონობით დოლარად იყიდება, მოდური გამონათქვამები, ქსელები, რომლებიც ვითომდა დეცენტრალიზებულია, მაგრამ როდესაც ისინი  მუშაობას წყვეტენ, ვიღაცამ გადასატვირთად ხელი უნა „წაკრას“ .“

ჰოსკინსონმა ასევე  DeFi პროექტების ჰაკერების მიერ არაერთგზის გატეხვა გაიხსენა, რამაც მომხმარებლებისთვის მნიშვნელოვანი ფინანსური დანაკარგი გამოიწვია. Elliptic-ის თანახმად, წელს DeFi პლატფორმებიდან 10,5 მილიარდი დოლარის ღირებულების ტოკენები მოიპარეს.

ჰოსკინსონის აზრით, ხარვეზები ინდუსტრიაში გაბატონებული მიდგომით არის გამოწვეული, რომლის თანახმად „ჯობია იყო პირველი ვიდრე საუკეთესო“. მას მიაჩნია, რომ ბევრად უფრო მიზანშეწონილი საფუძვლიანი კვლევის ჩატარებაა, მაგრამ Cardano-ს ამ მიდგომამ ინდუსტრიის წარმომადგენლებისგან კრიტიკა დაიმსახურა. 

წყარო: https://bits.media