კიოსაკი მეტი ბიტკოინის ყიდვას აპირებს

კიოსაკი მეტი ბიტკოინის ყიდვას აპირებს

მწერლისა და ინვესტორის, რობერტ კიოსაკის განცხადებით,  თუ BTC-ის ფასი 20,000$-მდე დაეცემა ის უფრო მეტ ბიტკოინს იყიდის.

კრიპტოვალუტის ბაზრის დაცემის მიუხედავად, რობერტ კიოსაკი ოპტიმიზმს ინარჩუნებს და ბიტკოინის  კურსის ვარდნას შესანიშნავ სიახლეს უწოდებს.

როგორც ამბობს BTC 6000 და 9000 დოლარად შეიძინა და მზადყოფნა გამოთქვა იყიდოს მეტი ბიტკოინი, თუ ფასი 20,000$-ის ნიშნულს გადაცდა.

კიოსაკის თქმით, მომხმარებლები ფულს მაშინ შოულობენ, როცა ბიტკოინს ყიდულობენ და არა ყიდიან და ახლა სწორედ ის დროა გამდიდრდნენ. ბიტკოინის გარდა, ინვესტორმა პერსპექტიულ აქტივად ვერცხლიც მოიხსენია.

2020 წლის მაისში კიოსაკიმ გამოთქვა ვარაუდი, რომ სამი წლის განმავლობაში BTC-ის ფასი 75000 დოლარამდე გაიზრდებოდა. 2021 წლის ნოემბრის დასაწყისში ბიტკოინის ფასმა ყველა დროის მაქსიმუმი – 69,000 აშშ დოლარი შეადგინა – მის დათქმულ ნიშნულს თითქმის მიუახლოვდა..

ინვესტორი ასევე ტრადიციული საბანკო სისტემის მიმართ სკეპტიკური დამოკიდებულებით არის  ცნობილი. პანდემიასთან საბრძოლველად მთავრობის მიერ მიღებულმა ზომებმა აშშ-ს სახელმწიფო ვალუტა „ყალბ დოლარად აქცია“, – ამბობს ის. კიოსაკი დარწმუნებულია, რომ აშშ დოლარს კრახი მოელის, რაც  აშშ-ს ფედერალური სარეზერვო სისტემის (FRS) ქმედებების გამო არ დააყოვნებს. 

ის ხალხს აფრთხილებს, რომ მათი დანაზოგი  რეცესიის დროს უსარგებლო იქნება და კიდევ ერთხელ ურჩევს მათ ბიტკოინში ინვესტირებას, ისევე როგორც ოქროსა და ვერცხლში, რადგან ეს ძვირფასი ლითონები „სამუდამოა“.

 კიოსაკიმ მიმდინარე წლის ივნისში ფინანსური კრიზისის გარდაუვალი დაწყება დააანონსა, რომელიც მისი პროგნოზით,  მსოფლიო ისტორიაში ყველაზე მასშტაბური იქნება.

წყარო: https://bits.media/