კომპანიამ MoneyGram USDC გადარიცხვის აპლიკაცია აამოქმედა

კომპანიამ MoneyGram USDC გადარიცხვის აპლიკაცია აამოქმედა

საგადახდო აგრეგატორმა MoneyGram გამოაცხადა მობილური აპლიკაციის ამოქმედების შესახებ, რომელიც სტეიბლკოინ USDC-ს მეშვეობით ტრანსსასაზღვრო გადარიცხვების გნხორციელების შესაძლებლობას იძლევა.

MoneyGram-ის განცხადებით, აპლიკაციის პირველი მომხმარებლები კოლუმბიის მაცხოვრებლები იქნებიან. კომპანიამ ლათინური ამერიკის ეს ქვეყანა პროგრამის შესაძლებლობების შესამოწმებლად იდეალურ ბაზრად მიიჩნია, რადგან კოლუმბიის მოსახლეობა საზღვარგარეთიდან 22-ჯერ მეტ ფულს იღებს, ვიდრე აგზავნის.

აპლიკაციის ტექნოლოგიური ინფრასტრუქტურა აგებულია ქსელ Stellar-ის ბლოკჩეინზე და სერვისებთან არის ინტეგრირებული, რაც მომხმარებლებს USDC -ის შენახვისა და გადარიცხვის განხორციელების შესაძლებლობას აძლევს. სისტემა ფულის გასაგზავნად ან მისაღებად მომხმარებლის MoneyGram-ის ან მისი კოლუმბიელი პარტნიორების ოფისებში ვიზიტის საჭიროებას არ წარმოადგენს. კომპანიის განმარტებით, ვიზიტი საჭირო იქნება მხოლოდ იმ შემთხვევაში, თუ მომხმარებელს USDC-ის კოლუმბიურ პესოში კონვერტაცია დასჭირდება.

MoneyGram-ის განცხადებით, აპლიკაციის მუშაობის შესახებ მონაცემების შეგროვებისა და პროცედურების გამართვის შემდეგ, აპლიკაციას ლათინური ამერიკის სხვა ქვეყნების მაცხოვრებლებსაც შესთავაზებენ.

MoneyGram-ის აღმასრულებელმა დირექტორმა ალექს ჰოლმსმა (Alex Holmes) ადრე განაცხადა, რომ კომპანია საკუთარი ციფრული საფულის გამოშვებას გეგმავს, რომელიც პლატფორმის მომხმარებლებს  ფიატური ფულის კრიპტოვალუტაში, ხოლო კრიპტოვალუტის ფიატში გადაცვლის შესაძლებლობას მისცემს.