by Giorgi 
კომპანია Metaplanet ბიტკოინის რეზერვებს ზრდის
იაპონურმა კომპანიამ Metaplanet, რომელიც ბიტკოინის ერთ-ერთი უმსხვილესი კორპორატიული მფლობელია, ოქტომბრიდან დეკემბრის ჩათვლით 4,279 ბიტკოინი 451.06 მილიონ დოლარად შეიძინა. მონეტის საშუალო ფასი 105,412 დოლარი იყო.
კომპანიის აღმასრულებელი დირექტორის, საიმონ გეროვიჩის (Simon Gerovich) განცხადებით, 30 დეკემბრის მონაცემებით, Metaplanet-ის მფლობელობაში არსებული ბიტკოინების საერთო რაოდენობამ 35,102-ს მიაღწია. მათი საერთო ღირებულება 3.78 მილიარდ აშშ დოლარს შეადგენს, ხოლო თითო მონეტაში საშუალოდ 107,606 აშშ დოლარია გადახდილი.
2025 წლის მეოთხე კვარტალში Metaplanet-მა ბიტკოინით უზრუნველყოფილი რამდენიმე საკრედიტო ხელშეკრულება გააფორმა, რომელთა საერთო ღირებულება 280 მილიონი აშშ დოლარი იყო. ბიტკოინი ასევე 500 მილიონი აშშ დოლარის საკრედიტო ხაზის უზრუნველსაყოფად გამოიყენეს.
კომპანიამ 21,249,000,000 იენის ($135.9 მილიონი) მოსაზიდად 23,610,000 B კლასის პრივილეგირებული აქციის გამოშვების შესახებ გამოაცხადა. აქციების შესაძენად ანგარიშსწორება 20 ნოემბერს განხორციელდა, გადახდა 29 დეკემბერს დადასტურდა.
ოქტომბრის დასაწყისში ბიტკოინმა ისტორიულ მაქსიმუმს, 126,080 აშშ დოლარს მიაღწია, თუმცა რამდენიმე კვირის შემდეგ 85,000 აშშ დოლარზე დაბლა დაეცა. ამჟამად ბიტკოინის ფასი 89,000 აშშ დოლარია, საბაზრო კაპიტალიზაცია კი 1.7 ტრილიონი აშშ დოლარი. კრიპტო ბაზრის კლებამ Metaplanet-ის აქციებზეც იმოქმედა. ტოკიოს საფონდო ბირჟაზე მათი ფასი 7.95%-ით 405 იენამდე (2.59 აშშ დოლარი) დაეცა.
ცოტა ხნით ადრე, ჯეროვიჩმა ბიტკოინით გატაცება ოქროს ციებ-ცხელებას შეადარა და განაცხადა, რომ კომპანია შეეცდება რაც შეიძლება მეტი BTC შეიძინოს. Metaplanet კრიპტო რეზერვების გამოყენებას სხვა კომპანიების შესაძენად გეგმავს.
წყარო: https://x.com/gerovich/status/2005889330854916138
სიახლეების გამოწერა
