კორუმპირებულ ქვეყნებში კრიპტოვალუტების მიღების მაღალი მაჩვენებელია

კორუმპირებულ ქვეყნებში კრიპტოვალუტებს მეტად იყენებენ

საერთაშორისო სავალუტო ფონდის მონაცემებით, კორუმპირებულ ქვეყნებში კრიპტოვალუტების მიღების მაღალი მაჩვენებელია.

საერთაშორისო სავალუტო ფონდის (IMF) მიხედვით, იმ ქვეყნებში, სადაც სრული ფინანსური კონტროლია, ციფრული აქტივების ზედამხედველობა ძალიან სუსტია.

IMF-ს გამოაქვეყნებული ანგარიშის მიხედვით, იმ ქვეყნებში, სადაც კორუფციის მაღალი დონეა და ფინანსები მკაცრად რეგულირდება,  ადამიანები კრიპტოვალუტებს უფრო ხშირად იყენებენ.

„ჩვენ აღმოვაჩინეთ, რომ კრიპტო აქტივების გამოყენება  კორუფციის მაღალ დონესთან და კაპიტალის გადაადგილების მკაცრ კონტროლთან მნიშვნელოვნად ასოცირდება.“

საერთაშორისო სავალუტო ფონდის სპეციალისტებმა 55 ქვეყნის 110 000 მცხოვრები გამოჰკითხეს. ანგარიშის ავტორებმა წარადგინეს იმ ფაქტორების ჩამონათვალი, რომლებიც ხსნიან, რატომ შეიძლება იყოს ბიტკოინი უფრო პოპულარული ერთ ქვეყანაში, ვიდრე მეორეში.

ინფლაციის მაღალი მაჩვენებლის მქონე ქვეყნებში, ბიტკოინის მსგავსი პოპულარული კრიპტოვალუტები ღირებულების თვალსაზრისით როგორც აწმყოში, ისე გრძელვადიან პერსპექტივაში შესაძლოა  უფრო სტაბილური იყოს ვიდრე ადგილობრივი ვალუტა.

ღარიბ ქვეყნებში კაპიტალის კონტროლის უფრო მკაცრი პროცესების გამო, რომლებიც ქვეყნის ეკონომიკაში უცხოური ფინანსების მონაწილეობას კრძალავს,

გადასახადებისა და სხვა სახელმწიფო შეზღუდვების თავიდან ასაცილებლად კრიპტოვალუტები შესაძლოა  სასარგებლო ინსტრუმენტი იყოს.

„კრიპტო აქტივების ფსევდო-ანონიმურობა (როდესაც ტრანზაქციები მხოლოდ ციფრულ იდენტიფიკაციას მოითხოვს) მათ უკანონო ფინანსური ნაკადების  პოტენციურ საშუალებად აქცევს,

მათ შორის კორუფციიდან მიღებული შემოსავლების “ – აცხადებენ IMF-ის ანალიტიკოსები.

ანგარიშის ავტორები ხაზს უსვამენ, რომ ასეთ ქვეყნებში საჭიროა კრიპტოვალუტების უფრო მკაცრი საერთაშორისო რეგულირება, კერძოდ, KYC პროცედურის, ანუ კრიპტობირჟის მომხმარებლების იდენტიფიცირების მოთხოვნა.

საერთაშორისო სავალუტო ფონდი კრიპტოვალუტების მიმართ განსაკუთრებული ლოიალობით არ გამოირჩევა.

ფონდის სპეციალისტების თითქმის ყველა განცხადება მიზნად  განვითარებად ქვეყნებში კრიპტოვალუტების რეგულირების გამკაცრებას ისახავს.

იანვარში, საერთაშორისო სავალუტო ფონდის მონეტარული და კაპიტალის ბაზრების დეპარტამენტის დირექტორმა ტობიას ადრიანმა (Tobias Adrian) განაცხადა, რომ კრიპტოვალუტების ცვალებადობამ განვითარებად ქვეყნებში შეიძლება  „უშუალო და სერიოზული რისკები“შექმნას.