კრიზისი კრიპტო ბირჟებისთვის ახალ შესაძლებლობებს შექმნის

კრიზისი კრიპტო ბირჟებისთვის ახალ შესაძლებლობებს შექმნის

სამი ბანკის – Silvergate-ის, Signature-ისა და Silicon Valley-ის ჩამოშლამ შესაძლოა ზოგიერთი კრიპტოვალუტის ბირჟისთვის მეტი შესაძლებლობები შექმნას.

ამის შესახებ  საინვესტიციო ბანკ JPMorgan-ის ანალიტიკოსები ახალ ანგარიშში აცხადებენ.

„როგორც ჩანს,  კრიპტო ბაზრის მონაწილეები და ინვესტორები, სულ უფრო მეტად ხდებიან სტეიბლკოინებზე დამოკიდებული. “- წერენ ანალიტიკოსები.

JPMorgan-ის ექსპერტების განცხადებით, სტეიბლკოინებით ვაჭრობის მოცულობა მკვეთრად გაიზარდა 8 მარტიდან,

როდესაც კრიპტოვალუტების მიმართ მეგობრულად განნწყობილმა ბანკმა Silvergate ოპერაციების გაუქმების შესახებ გამოაცხადა.

ანალიტიკოსების თქმით, სავაჭრო მოცულობის ყველაზე დიდი წილი Tether-მა (USDT) დაიკავა. მოხსენების მიხედვით:

„საბანკო კრიზისმა შესაძლოა გარკვეული ბირჟებისთვის შესაძლებლობები წარმოქმნას. ამ ბირჟებს ბაზრის წილის გაზრდა კრიპტო ფირმებისთვის და ინვესტორებისთვის საბანკო სერვისების შეთავაზების გზით შეეძლებათ.“

მოხსენებაში ასევე ნათქვამია, რომ შეერთებული შტატების მარეგულირებლის მკაცრმა საკანონმდებლო პოზიციამ,  შესაძლოა კრიპტო ბაზრის მონაწილეები აიძულოს თავიანთი ბიზნესი ევროპასა და აზიაში გადაიტანონ.

მანამდე, Tether-ის ტექნიკურმა დირექტორმა პაოლო არდოინომ (Paolo Ardoino) გამოაცხადა, რომ კომპანიას სტეიბლკოინ USDT-ს სტაბილურობის მხარდასაჭერად დაახლოებით 1,6 მილიარდი დოლარის ჭარბი რეზერვები აქვს.

Tether-ის წარმომადგენლები ირწმუნებიან, რომ სტეიბლკოინს ფიატური ფულისა და ობლიგაციების სახით მხარს რეალური აქტივები უჭერს,

ამიტომ მისი აშშ დოლართან შეფარდება ყოველთვის 1:1 იქნება.

Silicon Valley Bank-ის ბოლოდროინდელმა ჩამოშლამ ბაზრის არეულობა გამოიწვია, რამაც ხანმოკლე ვადით USDC-ს სტაბილურობაზე იმოქმედა და მისი დოლართან თანაფარდობა დაირღვა.

თუმცა მას შემდეგ, რაც Circle-მა SVB-სთან დაკავშირებული, კომპანიის საკუთრებაში მყოფი 3,3 მილიარდი დოლარის  რეზერვების შესახებ გამოაცხადა, 0,89 დოლარამდე ჩამოსული USDC-ის კურსი  მალევე აღდგა.