კრიპტოაქტივების უმეტესობა ნულამდე დაეცემა

კრიპტოაქტივების  უმეტესობა ნულამდე დაეცემა

Shark Tank-ის წამყვანისა და ვენჩურული ინვესტორის, კევინ ო’ლირის განცხადებით, ციფრული აქტივების უმეტესობას ღირებულება არ გააჩნია და საბოლოოდ მათი კურსი ნულამდე დაეცემა.

Wolf of All Streets-ის პოდკასტზე კევინ ო’ლირიმ (Kevin O’Leary) განაცხადა, რომ გასული წლის ნოემბერში, როცა FTX-მა გაკოტრების შესახებ განცხადება შეიტანა, მან კრიპტო აქტივებში განხორციელებული ინვესტიციები დაკარგა.

ო’ლირის თქმით,  FTX-ის დაშლამდე მან ინვესტიცია  32 კრიპტო აქტივში მოახდინა.

იმის გათვალისწინებით, რომ FTX-ის გაკოტრების საქმის განხილვა არ დასრულებულა, ინვესტორი ბაზარს ხელახლა შეუერთდა და ამჯერად ინვესტიცია შვიდ კრიპტოვალუტაში მოახდინა.

მათ შორის BTC, MATIC, ETH-სა და HBAR-ში.

ო’ლირის თქმით,  ის იმისთვის დაბრუნდა, რათა საინვესტიციო პორტფელის ვოლატილობა FTX-ის დაშლამდე და მის შემდეგ შეედარებინა და დაასკვნა, რომ არაფერი შეცვლილა.

„კრიპტო აქტივების უმეტესობა უსარგებლოა. საბოლოო ჯამში,  არასტაბილურობისა და ინვესტიციების მოცულობის ნაკლებობის გამო ისინი უბრალოდ ნულამდე დაეცემა. იმისთვის, რომ რისკების წინაშე აღმოჩნდეთ, არ არის აუცილებელი ყველა კრიპტოვალუტას ვფლობდეთ “ – დაასკვნა ო’ლირიმ.

FTX-ის კოლაფსის შემდეგ, კრიპტოვალუტის სფეროს წარმომადგენლებმა ო’ლირი ბირჟის დამფუძნებლის, სემ ბენკმენ-ფრიდის მხარდაჭერისთვის გააკრიტიკეს.

მანამდე ინვესტორი ამბობდა, რომ კრიპტო ბირჟამ იმისთვის, რომ მათი წარმომადგენელი გამხდარიყო მას 15 მილიონი დოლარი გადაუხადა, მაგრამ ეს ფული „დაიწვა“.

Shark Tank-ის ვარსკვლავმა  FTX-ის ყოფილ აღმასრულებელ დირექტორს კარგი კრიპტოვალუტის ტრეიდერი უწოდა და მზადყოფნა გამოთქვა ბენკმენ-ფრიდის ახალ წამოწყებებს მხარი კიდევ ერთხელ დაუჭიროს.

გასულ წელს ო’ლირი ინვესტორებს  ინვესტიციების კრიპტოვალუტებით დივერსიფიკაციისკენ მოუწოდებდა.

ის ამბობდა, რომ მისი პორტფელის მნიშვნელოვან ნაწილს ბიტკოინები და ეთერიუმები შეადგენდა.