კრიპტობაზრებზე რეცესიის მთავარი მიზეზი Fed-ის პოლიტიკაა
კრიპტოვალუტის ბირჟა FTX-ის აღმასრულებელ დირექტორს მიაჩნია, რომ ახლა მისი ბიზნესი აშშ-ის მარეგულირებლის მიერ უახლოეს თვეებში მიღებულ გადაწყვეტილებებზეა დამოკიდებული.
სემ ბენკმენ-ფრაიდმა (Sam Bankman-Fried) NPR-თან ინტერვიუში განაცხადა, რომ კრიპტოვალუტის ბაზრებზე რეცესიის მთავარი მამოძრავებელი ფაქტორი აშშ-ს ფედერალური სარეზერვო სისტემის (Fed) ფისკალური პოლიტიკის გამკაცრებაა. მისი თქმით, FTX-ს მინიმუმ კრიპტობაზრების დაცემის შენელება შეუძლია:
„ვგრძნობ, რომ ჩარევაზე სერიოზულად უნდა ვიფიქროთ, თუნდაც ეს ზარალის მომტანი იყოს. ჩვენ „ინფექციის გავრცელება“ უნდა შევაჩეროთ. ანდუსტრიასთან ასეთ მჭიდრო კავშირი რომც არ გვქონდეს, ვფიქრობ მაინც უნდა გავაკეთოთ რაღაც, რაც ეკოსისტემას წაადგება.“
FTX-ის ხელმძღვანელის თქმით, რეცესიის მთავარი დამნაშავე Fed-ია – თავისი გადაწყვეტილების გამო, ძირითადი განაკვეთი 0,75%-ით გაზარდოს, რაც 1994 წლის შემდეგ ყველაზე დიდი ზრდაა. გადაწყვეტილებამ დომინოს ეფექტი მოახდინა და ციფრულ ვალუტებსაც გადაწვდა.
როდესაც ფისკალური პოლიტიკა მკაცრდება, ადამიანები იმ აქტივების გაყიდვას იწყებენ, რომლებსაც სარისკოდ მიიჩნევენ, ამბობს ბენკმენ-ფრაიდი:
„ბაზარი ფაქტიურად შეშინებულია. ადამიანებს, რომლებსაც ფული აქვთ ეშინიათ.“
ბიზნესმენს გააზრებული აქვს ის სირთულეები, რომლებთან შეჭიდებასაც ცენტრალური ბანკი ახლა ცდილობს.
თუმცა, ის და ინდუსტრიის მრავალი სხვა წარმომადგენელი Fed-ისგან ახალ გადაწყვეტილებებს ელოდებიან, რათა შემდგომი სამოქმედო გეგმა დასახონ, ამბობს ბენკმენ-ფრაიდი.
ცოტა ხნით ადრე კრიპტო ბირჟა Coinbase-ის აღმასრულებელმა დირექტორმა, ბრაიან არმსტრონგმა (Brian Armstrong) 1100 თანამშრომლის შემცირების შესახებ გამოაცხადა.
მისი თქმით, კრიპტო ბაზრების ზრდის პერიოდში ბირჟამ ზედმეტი თანამშრომლები დაიქირავა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)