კრიპტობაზრის დაცემამ NFT-სა და თამაშებზე არ იმოქმედა

კრიპტობაზრის დაცემამ  NFT-სა და თამაშებზე არ იმოქმედა

ანალიტიკურმა სერვისმა Dapp Radar გამოაქვეყნა ანგარიში, რომლის მიხედვითაც DeFi ინდუსტრიისგან განსხვავებით, NFT და ბლოკჩეინზე დაფუძნებული თამაშები კრიპტოვალუტის ბაზარზე ნაკლებადაა დამოკიდებული.

Dapp Radar-ის მიხედვით, კრიპტობაზრის ბოლოდროინდელი ვარდნის მიუხედავად NFT ტრანზაქციების რაოდენობა ზრდას განაგრძობს. ინტერესი ბლოკჩეინზე დაფუძნებული თამაშების მიმართაც იზრდება.

გასული წლის ბოლოს, Ethereum-ზე არსებული NFT-ეების შესაქმნელი აპლიკაცია ყოველდღიურად  2.5 მილიონზე მეტ აქტიურ მომხმარებელს იზიდავდა.

ასეთი აპლიკაციების მომხმარებელთა რაოდენობა 2020 წელთან შედარებით 707%-ით, ხოლო 2021 წლის III კვარტალთან შედარებით 43%-ით გაიზარდა. ზრდას ბლოკჩეინის სათამაშო ინდუსტრიაც აგრძელებს.

„ბლოკჩეინის თამაშები ყოველთვიურად სულ უფრო მეტ მომხმარებელს იზიდავს. იმის გათვალისწინებით, რომ წელს Play-to-Earn-ითა და GameFi-ით სარგებლობის დიდი მოლოდინის მქონე ვარიანტები გაჩნდება, ჩვენ ვიმედოვნებთ, რომ ბლოკჩეინ თამაშები 2022 წელს ინდუსტრიის ზრდას ხელს შეუწყობს“- აცხადებენ ანალიტიკოსები.

DeFi-ის პოპულარობა კრიპტოვალუტის ბაზარზე არსებულ ვითარებაზე უფრო მეტად არის დამოკიდებული.

როცა ETH, SOL, AVAX-ისა და LUNA-ს კურსები ისტორიულ მაქსიმუმს აღწევდა, ინდუსტრია ყოველდღიურად 1.25 მილიონ აქტიურ მომხმარებელს იზიდავდა. ბოლოდროინდელი „დათვების“ ტრენდის შემდეგ კი DeFi-ს მხოლოდ 800.000 ახალი მომხმარებელი შეუერთდა. ანალიტიკოსები ვარაუდობენ, რომ ინდუსტრიასა და კრიპტოვალუტის ბაზარს შორის ასეთი კორელაცია 2022 წელსაც გაგრძელდება.

ანგარიშში ნათქვამია, რომ კრიპტოვალუტების აკრძალვის მიუხედავად, ბლოკჩეინზე NFT-ების და თამაშების მომხმარებელთა რაოდენობის მიხედვით ჩინეთი ლიდერობს. 

2021 წლის ნოემბერთან შედარებით მათი რიცხვი 166%-ით გაიზარდა და 204 000-ს მიაღწია. მეორე ადგილზეა აშშ. ამ რეგიონში ტრაფიკი 38%-ით გაიზარდა და 175.000-ზე მეტი მომხმარებელი შეადგინა.

მომხმარებელთა რაოდენობამ დიდი ბრიტანეთიდან, რუსეთიდან, ფილიპინებიდან და ბრაზილიიდან 168.000-ს გადააჭარბა, რაც დაახლოებით 30%-იან ზრდას წარმოადგენს. 

გასულ წელს კომპანია BGA-ს წარმოდგენილი ანგარიშის თანახმად, ივლისში ბლოკჩეინის ბაზაზე დაფუძნებულ თამაშებს კრიპტო საფულე 804.000-მა უნიკალურმა მომხმარებელმა მიაბა.

სერვის  CoinGecko-ს მონაცემების თანახმად კი, 2021 წელს DeFi სექტორში კაპიტალის ბაზარი 7.5-ჯერ გაიზარდა და 150 მილიარდი დოლარი შეადგინა.

წყარო : https://bits.media/