კრიპტობირჟას Kraken სანქციების დარღვევაზე შეამოწმებენ
NY Times-ის ცნობით, კრიპტოვალუტის ბირჟა Kraken-თან დაკავშირებით ფედერალური გამოძიება მიმდინარეობს. აშშ-ის სამართალდამცავი ორგანოები მიიჩნევენ, რომ ბირჟამ ირანელებს სანქციების გვერდის ავლით მომსახურება გაუწია.
გამოცემა ანონიმურ წყაროებზე დაყრდნობით იუწყება, რომ აშშ-ს სახაზინო დეპარტამენტის საგარეო აქტივების კონტროლის ოფისი Kraken-თან დაკავშირებულ გამოძიებას 2019 წლიდან აწარმოებს.
წყაროს ვარაუდით, პლატფორმას ჯარიმა დაეკისრება. Kraken შესაძლოა გახდეს უმსხვილესი ამერიკული კრიპტოვალუტის კომპანია, რომელსაც უწყების მხრიდან სასჯელი დაეკისრება.
NY Times-ის ჟურნალისტებმისთვის ხელმისაწვდომი გახდა ბირჟის შიდა მიმოწერა, რომელშიც კომპანიის ხელმძღვანელი ჯესი პაუელი (Jesse Powell) სხვადასხვა სიტუაციებში კანონის დარღვევის შესაძლებლობაზე საუბრობს. რა თქმა უნდა, მხოლოდ იმ შემთხვევაში, თუ ამას კომპანიისთვის მნიშვნელოვანი მოგების მოტანა შეუძლია.
„მარეგულირებელ ორგანოებთან გარკვეულ დისკუსიებზე ჩვენ კომენტარს არ ვაკეთებთ. კრაკენი ყურადღებით აკვირდება სანქციების კანონების დაცვას და, რა თქმა უნდა, აცნობებს მარეგულირებლებს ნებისმიერი შესაძლო პრობლემის შესახებ.“ – განაცხადა ბირჟის იურიდიული დეპარტამენტის ხელმძღვანელმა მარკო სანტორიმ (Marco Santori).
როგორც ფინანსთა სამინისტროს წარმომადგენელმა აღნიშნა, სააგენტო „პოტენციურ ან მიმდინარე გამოძიებებზე“ კომენტარს არ გააკეთებს , მაგრამ უზრუნველყოფს იმ სანქციების აღასრულებას, რომლებიც აშშ-ს ეროვნული უსაფრთხოების დასაცავად არის აუცილებელი.
მესენჯერის კორპორატიულ არხ Slack-ზე გავრცელებული მოხსენების მიხედვით, კრაკენს ირანში 1522 , სირიაში 149 და კუბაში 83 მომხმარებელი ჰყავს. Kraken-ის აღმასრულებელი დირექტორის განაცხადებით, ეს ვერიფიცირებული ანგარიშებია და მათ მფლობელებს სანქციები არ ეხებათ.
SEC-ის გამოძიება კიდევ ერთ ამერიკულ ბირჟასთან, Coinbase-თან დაკავშირებითაც მიმდინარეობს. მარეგულირებელი მიიჩნევს, რომ პლატფორმა მოიცავს ტოკენებს, რომლებიც ფასიან ქაღალდებად უნდა ჩაითვალოს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)