კრიპტობირჟა Binance გლობალური თაღლითობაა
ცნობილი ტრეიდერის და ფინანსური ინდუსტრიის ვეტერანის თქმით, მსოფლიოში ყველაზე დიდი კრიპტოვალუტის ბირჟა ძალიან დიდ ტყუილს წარმოადგენს.
„მრავალი წელია ვამბობ, რომ Binance გლობალური თაღლითობაა, ტოკენი BNB კი უბრალოდ იაფი ფიატია“- დაწერა პიტერ ბრანდტმა (Peter Brandt) X-ზე (ყოფილი Twitter).
ეს კომენტარი ტრეიდერმა Binance-ის ტოკენის – BNB-ის გაცვლით კურსთან დაკავშირებიტ გააკეთა, რომელიც აშშ-ს მარეგულირებლებთან სასამართლო დავებისა და მათი მხრიდან ზეწოლის ფონზე წლიურ მინიმუმამდე დაეცა. როდესაც ერთ-ერთმა კომენტატორმა ჰკითხა ექსპერტს, რას ფიქრობს ის კრიპტოვალუტის ბირჟა FTX-ის დაშლის შესახებ, ბრანდტმა უპასუხა: FTX „კატასტროფა იყო“.
„მე მტკიცედ ვაცხადებ, რომ კრიპტო ბირჟების უმეტესობა და კრიპტოპროექტების 99% წარუმატებელი იქნება“ – თქვა ბრანდტმა.
თუმცა, ვეტერანი ინვესტორი უფრო ლმობიერია თავად კრიპტოვალუტების მიმართ. მან ცოტა ხნის წინ განაცხადა, რომ ოდესმე ბიტკოინი ისეთი ტრადიციული საინვესტიციო აქტივების ჩრდილიდან გამოვა, როგორიცაა აქციები და ოქრო. უფრო მეტიც, თუ ახლა BTC-ის კურსის ამ და სხვა ფინანსურ აქტივებთან კორელაციას განიხილავენ, მომავალში სწორედ ბიტკოინი იქნება ის აქტივი, რომელიც ფინანსურ ბაზარზე ფონს შექმნის.
კრიპტო ბირჟა Binance ამჟამად აშშ-სა და ევროპაში სასამართლო დავებშია ჩართული. ცოტა ხნის წინ, აშშ-ის იუსტიციის დეპარტამენტმა რუსეთის წინააღმდეგ აშშ-ის სანქციების დარღვევის ბრალდებით Binance-ის საქმიანობის შესახებ გამოძიება დაიწყო.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)