კრიპტოვალუტაში შემოწირულობები 16-ჯერ გაიზარდა
კრიპტოვალუტაში საქველმოქმედო შემოწირულობების ამერიკული პლატფორმა The Giving Block-ის ცნობით, 2021 წელს შემოწირულობების მოცულობა 16-ჯერ, 69.6 მილიონ დოლარამდე გაიზარდა.
კომპანიის წლიური ანგარიშის თანახმად, 2020 წელს შემოწირულობების მოცულობამ 4.2 მილიონი დოლარი შეადგინა.
შემოწირულობის საშუალო ოდენობა 236%-ით, 3,109$-დან 10,445$-მდე გაიზარდა. ამასთან ციფრულ ვალუტაში შემოწირულობების საშუალო მოცულობა ფიატურ ვალუტაში შემოწირულობებს 82-ჯერ აღემატებოდა.
ანგარიშში ხაზგასმით არის აღნიშნული, რომ კრიპტოვალუტაში ყველაზე დიდი შემოწირულობები 2021 წლის ბოლო ოთხ თვეზე მოდის.
დეკემბერში მთლიანმა შემოსავალმა რეკორდული 20 მილიონი დოლარი შეადგინა.
ნოემბერსა და დეკემბერში კი ციფრულ ვალუტაში გაკეთებული შემოწირულობების მთლიანი მოცულობის 42% The Giving Block-ით განხორციელდა.
შემომწირველებმა 70 სხვადასხვა კრიპტოვალუტა გამოიყენეს. ყველაზე პოპულარული ეთერიუმი გახდა 30.7 მილიონი დოლარის შემოწირულობებით. მას ბიტკოინი და სტეიბლკოინი USDC მოსდევს. ამ სამ კრიპტოვალუტაში შემოწირულობებმა საერთო მოცულობის 85% შეადგინეს.
ამგვარ ზრდას ანგარიშის ავტორები ბაზარზე „ხარების ტრენდს“, ინვესტორებს შორის კრიპტოვალუტის პოპულარობის ზრდას და ისეთი ორგანიზაციების მომრავლებას უკავშირებენ, რომლებიც კრიპტოვალუტის გადარიცხვებს ახორციელებენ.
გასული წლის აგვისტოში, კრიპტოვალუტაში შემოწირულობების მიღება ავღანეთიდან დევნილების დასახმარებლად არაკომერციულმა ორგანიზაციამ Hearts & Homes for Refugees-მაც დაიწყო.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)