კრიპტოვალუტა მდიდრებისა და ღარიბების პრობლემას ვერ გადაჭრის

კრიპტოვალუტა  მდიდრებისა და ღარიბების პრობლემას ვერ გადაჭრის

მასაჩუსეცის შტატის სენატორის ელიზაბეტ უორენის აზრით, კრიპტოვალუტა მდიდრებისა და ღარიბების პრობლემას ვერ გადაჭრის, რადგან ციფრული აქტივების ბაზრის უდიდეს ნაწილს ე.წ „ვეშაპების“ 1% აკონტროლებს.

ელიზაბეტ უორენმა (Elizabeth Warren) ეს განცხადება Wall Street Journal-ის სტატიის საპასუხოდ გააკეთა, სადაც ნათქვამია, რომ ბაზრის  ძირითად ნაწილს კრიპტოვალუტის მფლობელების მხოლოდ 1% აკონტროლებს.

ეკონომიკური კვლევების ეროვნული ბიუროს ანგარიშზე დაყრდნობით, სტატიის ავტორი აღნიშნავს, რომ 10000 ბიტკოინის საფულეში 5 მილიონი BTC ინახება, რაც მოპოვებული მონეტების საერთო რაოდენობის 27%-ს შეადგენს.

„კრიპტოვალუტის ინდუსტრია ამტკიცებს, რომ კრიპტოვალუტა არის გზა ფინანსური ხელმისაწვდომობისკენ.

მაგრამ ციფრული აქტივების ბაზარზე გავლენას მოსახლეობის მხოლოდ ის 1% ახდენს, რომელიც ბიტკოინების დიდ ნაწილს ფლობს. სიტუაცია ბევრად უარესია ვიდრე აშშ დოლართან მიმართებაში.

ჩვენ გვჭირდება რეალური გადაწყვეტილებები, რათა ფინანსურმა სისტემამ ყველასთვის იმუშაოს და არა მხოლოდ მდიდრებისთვის.“ – თქვა უორენმა.

თუმცა, სოციალური ქსელების მომხმარებლები სენატორს არ ეთანხმებიან. 

Twitter-ის მომხმარებლებმა უორენს  „უცოდინარი“ და „მანიპულატორი“ უწოდეს და ხაზი მისი განათლების გაუმჯობესების აუცილებლობას გაუსვეს.

მათი აზრით, კრიპტოვალუტა არის დეცენტრალიზებული და განკუთვნილია ყველასთვის და არა მხოლოდ მდიდრებისთვის.

ზოგიერთმა მომხმარებელმა Wall Street Journal-ის სტატიაში მოყვანილი მონაცემები ეჭვქვეშ ადააყენა.

სენატორი უორენი კრიპტოვალუტების მიმართ სიმპატიით არასდროს გამოირჩეოდა. ამ თვის დასაწყისში მან Greenridge Generation Holdings-ისა და სხვა მაინინგ კომპანიების გარემოზე ზემოქმედებასთან დაკავშირებით  შეშფოთება გამოთქვა.

სექტემბერში უორენმა კრიპტოვალუტები  ახალ ჩრდილოვან ბანკებს შეადარა, ივნისის მოსმენის დროს კი  კრიპტოვალუტების მკაცრი კრიტიკით გამოვიდა.

წყარო: https://bits.media/