კრიპტოვალუტა ტექნოლოგიური ფენომენი და ფულის მომავალია

კრიპტოვალუტა ტექნოლოგიური ფენომენი და ფულის მომავალია

Visa-ს საგადახდო სისტემის კრიპტოვალუტის პროექტების ხელმძღვანელმა განაცხადა, რომ კომპანია კრიპტოაქტივებთან მუშაობას გააგრძელებს და მათ „ტექნოლოგიური ფენომენი“ უწოდება.

მან ასევე NFT-ს განვითარებაზე ისაუბრა.

NDTV-ის გამოცემასთან ინტერვიუში კაი შეფილდმა (Cuy Sheffield) ციფრული აქტივების შესაძლებლობების გამოყენებასთან დაკავშირებულ Visa-ს სამომავლო გეგმებზე ისაუბრა.

კომპანიამ ამ თვეში Visa Global Crypto Advisory პროგრამა დაიწყო, რომელიც ფინანსურ ინსტიტუტებს, საცალო ვაჭრობისა და სხვა სახის ფირმებს კრიპტოვალუტასთან დაკავშირებულ საკითხებზე საკონსულტაციო მომსახურებას გაუწევს.

შეფილდის თქმით, Visa-ში უკვე ციფრულ ვალუტებთან მომუშავე ასობით სპეციალისტია დასაქმებული, ასევე ბოლო 18 თვის მანძილზე Visa-მ კრიპტოვალუტის პლატფორმებთან პარტნიორობის ხელშეკრულებების რაოდენობა 60-მდე გააორმაგა.

როგორც შეფილდი ამბობს, საბანკო ბარათების ოპერატორის კლიენტები ადრე ციფრული აქტივების მიმართ სკეპტიკურად იყვნენ განწყობილი,

თუმცა, ბოლო წლებში მათ იმის გაცნობიერება დაიწყეს, რომ კრიპტოვალუტებს  მათი ბიზნესის განვითარებაზე დადებითად ზემოქმედება შეუძლიათ.

„კრიპტოვალუტები არ არის მხოლოდ აქტივების კლასი ან ტექნოლოგიური ფენომენი. კრიპტოვალუტები კომერციასა და კულტურას სახალისო გზით კვეთენ.

თავდაპირველად კრიპტოვალუტის საფულეებს კრიპტოვალუტების შესანახად იყენებდნენ, ახლა კი ადამიანები მათ ახალი მუსიკის ან ხელოვნების შესაქმნელად იყენებენ.

ისინი მომხმარებელთა ყოველდღიურ ცხოვრებაში სულ უფრო მეტად მკვიდრდებიან.“- ამბობს შეფილდი.

შეფილდმა კრიპტოვალუტის სამყაროს კიდევ ერთი საინტერესო ელემენტი საკოლექციო ტოკენებს უწოდა, რომელთა განვითარებასაც Visa თვალს ყურადღებით ადევნებს .

ის დარწმუნებულია, რომ არაურთიერთჩანაცვლებადი ტოკენები საცალო ვაჭრობის, სოციალური მედიისა და გართობის განვითარებაში მნიშვნელოვან როლს შეასრულებენ.

მისი აზრით, სანამ ფირმები უნიკალური ტოკენების მხარდაჭერის მქონე პროდუქციის ბაზარზე შემოტანას დაიწყებენ, აუცილებელია NFT-ების შეძენისა და შენახვის მოთხოვნები შეისწავლონ.

„NFT-ებს მცირე და საშუალო საწარმოებისთვის ენერგიის მძლავრი სტიმულირება შეუძლიათ. ელექტრონული კომერციის ზრდასთან ერთად, მათ ონლაინ გაყიდვების წარმოაბა და

მომხმარებლებთან დაკავშირება მთელი მსოფლიოს მასშტაბით შეუძლიათ. მაგრამ, მათ ფიზიკური საქონლის წარმოება და გაგზავნა მაინც უწევთ, რაც დიდ ხარჯებთან არის დაკავშირებული.

მცირე და საშუალო ბიზნესს ციფრული საქონლის წარმოებისთვის ახლა ღია ბლოკჩეინების გამოყენება შეუძლია. რომლებიც მომხმარებლებს მყისიერად მიეწოდება.

უკვე ადვილი წარმოსადგენია მომავალი, სადაც კრიპტოვალუტის მისამართები საფოსტო მისამართების ანალოგიურად იქნება გამოყენებული“, – აღნიშნა Visa-ს კრიპტოვალუტის განყოფილების ხელმძღვანელმა.

გასულ წელს, შეფილდმა განაცხადა, რომ მომდევნო ათი წლის მანძილზე, სამთავრობო სტეიბლკოინები შეიძლება გახდეს ერთ-ერთი ყველაზე დიდი ტენდენცია გადახდებსა და ფინანსებში.

წყარო: https://bits.media/