კრიპტოვალუტების გამოყენებით ჩადენილი უკანონო ფინანსური ქმედებების შესახებ ხმები გაზვიადებულია

კრიპტოვალუტების გამოყენებით ჩადენილი უკანონო ფინანსური ქმედებების შესახებ ხმები გაზვიადებულია

ამერიკელმა სენატორმა სინტია ლამისმა უარყო კრიპტო ინდუსტრიის შესახებ არსებული მოსაზრება, თითქოს ციფრული აქტივების გამოყენება მეტწილად უკანონო ფინანსური საქმიანობისთვის ხდება.

სინტია ლამისმა (Cynthia Lummis) აშშ-ს კონგრესს მოუწოდა, კრიპტოვალუტის ინდუსტრიასთან დაკავშირებული დაუდასტურებელი ინფორმაციისა და მედიის სპეკულირების გავლენის ქვეშ არ მოექცეს. მან ხაზგასმით აღნიშნა, რომ უკანონო ფინანსური ტრანზაქციები ეკონომიკის ნებისმიერი დარგის პრობლემა შეიძლება გახდეს და რომელიმე კონკრეტული აქტივების კლასის მახასიათებელს არ წარმოადგენს.

„უკანონო ფინანსური ოპერაციების საერთო მოცულობიდან კრიპტოვალუტის წილი 1%-ზე ნაკლებს წარმოადგენს. ეს მაჩვენებელიც ბევრად უმნიშვნელო იქნებოდა, თუკი ისეთი მარეგულირებელი სტრუქტურის შექმნას შევძლებდით, რომელიც კრიპტო ინდუსტრიას არარეგულირებადი უცხოური ბაზრების ნაცვლად აშშ-ში მუშაობის შესაძლებლობას მისცემდა.“- განაცხადა სენატორმა.

ცოტა ხნის წინ, რამდენიმე ამერიკულმა გამოცემამ გაავრცელა ინფორმაცია, თითქოს ისრაელზე თავდასხმამდე ჰამასის მებრძოლებმა მილიონობით დოლარის შეგროვება კრიპტოვალუტაში განხორციელებული შემოწირულობების მეშვეობით შეძლეს.

ამ მოვლენების ფონზე, ამერიკელმა სენატორმა და კრიპტო რეგულირების გამკაცრების ქომაგმა, ელიზაბეტ უორენმა (Elizabeth Warren) 100-ზე მეტი სენატორისგან კოალიცია შექმნა. კოალიციამ მთავრობისგან კრიპტოვალუტების მეშვეობით ფულის გათეთრებისა და ტერორიზმის დაფინანსების წინააღმდეგ ახალი წესების დაუყოვნებლივ შემოღება მოითხოვა.