კრიპტოვალუტების მიღება მხოლოდ აშშ-ს მაგალითზე დაუშვებელია

კრიპტოვალუტების მიღება მხოლოდ აშშ-ს მაგალითზე დაუშვებელია

Tron-ის დამფუძნებლის ჯასტინ სანის რწმენით, კრიპტოვალუტები ამერიკელი მარეგულირებლების დამოკიდებულების გაუთვალისწინებლად, მთელს მსოფლიოში გადახდის კანონიერ საშუალებად  უნდა მიიღონ.

ტვიტების სერიაში ჯასტინ სანმა (Justin Sun) დაწერა, რომ Tron-ის გუნდი TRX-ის, როგორც გადახდის საშუალების ლეგალიზაციაზე უკვე მუშაობს.

როგორც მან აღნიშნა, აშშ-ს მარეგულირებლები ციფრული აქტივების ინდუსტრიის მთავარ მოთამაშეებად ითვლებიან.

თუმცა, შეერთებული შტატები არ არის მსოფლიოში ერთადერთი ქვეყანა და კრიპტო კომპანიებმა უნდა გაითვალისწინონ, რომ  პლანეტაზე კიდევ 8 მილიარდამდე ადამიანი ცხოვრობს.

სანმა დასძინა, რომ კრიპტოაქტივების მიღება არა მხოლოდ ვაჭრობას  გააადვილებს, არამედ  ადამიანებს საშუალებას მისცემს  საკუთარი ფინანსური მომავალი მართონ.

სანმა ციფრულ აქტივებს ფინანსურ სერვისებზე წვდომის გაფართოებისა და მსოფლიოს ყველააზე შორეულ კუთხეებშიც კი ცხოვრების გაუმჯობესების მძლავრი ინსტრუმენტი უწოდა. ამიტომ, Tron-ის ხელმძღვანელმა კრიპტო კომპანიებს საერთაშორისო დონეზე მუშაობისკენ, კრიპტოვალუტების შესახებ ცოდნის გაღრმავებისა და მსოფლიოს მთავრობებსა და კერძო სექტორთან ურთიერთობების დამყარების მიზნით, სემინრებისა და ტრეინინგების ჩატარებისკენ მოუწოდა.

„თუ დედამიწაზე 7,7 მილიარდი ადამიანი კრიპტოვალუტებს საქონლისა და მომსახურების შესაძენად ლეგალურად გამოიყენებს , მაშინ აშშ-ში მცხოვრები 300 მილიონი ადამიანიც იგივეს გააკეთებს. ნუ შემოვიფარგლებით ერთი ქვეყნით “- წერს სანი.

მან ასევე იმედი გამოთქვა, რომ 2023 წლის ბოლომდე TRX ლეგალური ხუთ ქვეყანაში გახდება. შესაძლოა ამ წუთას ეს მიზანი ზედმეტად ამბიციურად ჟღერს, მაგრამ სანის რწმენით,  საჭირო ძალისხმევით მისი მიღწევა სავსებით შესაძლებელია.