კრიპტოვალუტების რეგულირება კრიზისთან გამკლავებას დაეხმარება

კრიპტოვალუტების რეგულირება კრიზისთან გამკლავებას დაეხმარება

Deutsche Bank Research-ის უფროსი ანალიტიკოსისა და წიგნის „ფინანსების დემოკრატიზაცია“ ავტორის განცხადებით, კრიპტოვალუტის ბაზარზე არსებული კრიზისის დაძლევა რეგულირების გზით არის შესაძლებელი.

მარიონ ლაბურმა (Marion Laboure) CNBC-თან ინტერვიუში ციფრული ვალუტებისა და მიწოდებაზე ჭარბი მოთხოვნის კონტექსტში ფასების ქცევის შესახებ საკუთარი აზრი გამოთქვა.

ასევე კრიპტოვალუტის ბაზრის არასტაბილურობაზე და Terra-ს ეკოსისტემის კრახის შესახებ ისაუბრა.

ლაბურის აზრით, ციფრული აქტივების ბაზარი არსებულზე მეტ რეგულირებას საჭიროებს. ის განსაკუთრებით ბიტკოინისა (BTC) და ბაზარზე არსებული სხვა ციფრული ვალუტების შეუსაბამობის გამო არის შეშფოთებული.

ექსპერტი მიიჩნევს, რომ განვითარებული ეკონომიკის მქონე ქვეყნებშიც კი მოქალაქეების ფინანსური წიგნიერება საკმაოდ დაბალია.

მისი აზრით, რეგულირება ინდუსტრიის შესახებ უფრო მეტი ინფორმაციის მოპოვების შესაძლებლობას შექმნიდა და ადამიანებს  იმის გარკვევაში დაეხმარებოდა, თუ როგორ მუშაობს ის. 

„ბოლოდროინდელმა მოვლენებმა შეგვახსენა, რომ ყველა კრიპტოვალუტა ერთნაირი არ არის. ზოგიერთი მათგანი ძალიან ახალგაზრდაა და დიდი რისკების შემცველია.  ისინი ძალიან ბევრია და განსხვავებული.

ამიტომ ბიტკოინი, უძველესი და საბაზრო კაპიტალიზაციის თვალსაზრისით ძვირადღირებული კრიპტოვალუტა ახალ კრიპტო აქტივებს არ უნდა შევადაროთ.“

Deutsche Bank Research-ის უფროსმა ანალიტიკოსმა ხაზგასმით აღნიშნა, რომ არასტაბილურობა, რომელსაც ბოლო თვეებში რიპტოვალუტის ბაზარზე თვალს ვადევნებთ,  უახლოეს მომავალში არსად არ გაქრება.

თუ ბაზარი დარეგულირდება, არსებობს იმის ალბათობა, რომ ციფრულმა აქტივებმა უფრო ფართო მიმღებლობა მოიპოვონ და ამასთან ერთად გაიზრდება მათი ლიკვიდურობაც,

რაც მათ ნაკლებ ვოლატილობას შეუწყობს ხელს.

გასულ შემოდგომაზე ლაბურმა გამოთქვა მოსაზრება, რომ ბიტკოინს ყველა შანსი აქვს 21-ე საუკუნის ციფრული ოქრო გახდეს. თუმცა, ამისათვის ის  ნაკლებად ვოლატილური უნდა გახდეს.