კრიპტოვალუტები გლობალური აპოლიტიკური ფულია

კრიპტოვალუტები გლობალური აპოლიტიკური ფულია

კომპანია CoinShares-ის სტრატეგიის დირექტორმა, მელტემ დემირორსმა (Meltem Demirors) Bloomberg Technology-სთან ინტერვიუში განაცხადა,

რომ გლობალური სანქციების ფონზე აღმოსავლეთ ევროპაში კონფლიქტის ესკალაციასა და კანადის ხელისუფლების მიერ „თავისუფლების კონვოის“ ანგარიშების ბლოკირებას,

ბიტკოინის მაღალი რისკის მქონე აქტივების კატეგორიიდან კაპიტალის დაცვის საიმედო საშუალებად გარდაქმნა შეუძლია.

„ჩვენ კონფლიქტი არა მხოლოდ აღმოსავლეთ ევროპაში გვაქვს.  ცოტა ხნის წინ საბანკო სისტემაზე წვდომა სატვირთო ავტომობილების კანადელ მძღოლებს შეუზღუდეს,

რამაც კრიპტოვალუტის შესახებ არაერთი დისკუსია გამოიწვია.

ვფიქრობ, იმის გააზრების მომსწრე ვართ, რომ ზესახელმწიფოების მიერ წამოწყებულ ომებში ჩართულ მოქალაქეებს ბიტკოინის და სხვა კრიპტოვალუტების სახით არჩევანი აქვთ – კრიპტოვალუტები აპოლიტიკური გლობალური ფულია“.

დემირორმა აღნიშნა, რომ კონფლიქტის ზონის მიღმა კრიპტოვალუტების გამოყენების გაფართოვება გეოპოლიტიკური კრიზისების საპასუხოდ ინვესტორების მხრიდან კრიპტოვალუტებით დაინტერესებაზე მიუთითებს.

„ჩვენ თვალს ვადევნებთ სავაჭრო აქტივობის ზრდას არა მხოლოდ უკრაინასა და რუსეთში. მნიშვნელოვანი სავაჭრო აქტივობა აშშ-დან მოდის,

რადგან ხალხი თვალყურს ადევნებენს იმას, რაც მთელ მსოფლიოში ხდება. შესაძლოა, ეს იყოს დასაწყისი იმისა, რომ ბიტკოინი აღარ იქნება რისკის შემცველი აქტივი.“

ამასთან, მსოფლიო მთავრობები საკუთარი ინტერესებიდან გამომდინარე კრიპტო ბიზნესზე ზეწოლას ცდილობენ.

ცოტა ხნის წინ, ბაიდენის ადმინისტრაციამ კრიპტოვალუტის ბირჟებს შეახსენა, რომ სანქციების სიაში მყოფი რუსი მომხმარებლები ციფრული ვალუტის ვაჭრობისა და გაცვლის სერვისებს არ უნდა იღებდნენ. რაზეც უმსხვილესი კრიპტოვალუტის ბირჟის, Binance-ის აღმასრულებელმა დირექტორმა, ჩენპენ ჯაომ განაცხადა, რომ საიტზე მხოლოდ ერთი რუსია დაბლოკილი.

ამავდროულად, ბირჟა Kraken-ის აღმასრულებელმა დირექტორმა რუსეთიდან კლიენტების დაბლოკვის მოთხოვნა  კანადის ხელისუფლების მიერ Freedom Convoy-ისთვის  კრიპტო საფულეების ბლოკირებას შეადარა.