კრიპტოვალუტები მავნე აქტივების კლასად გადაიქცა

კრიპტოვალუტები მავნე აქტივების კლასად გადაიქცა

საერთაშორისო ანგარიშსწორების ბანკის (BIS) ყოველწლიური კონფერენციის მიმდინარეობისას, ფაბიო პანეტამ (Fabio Panetta) აღნიშნა, რომ 2021 წლის მიწურულიდან ინვესტორები კრიპტოვალუტებს ფულის დაბანდების საიმედო წყაროდ აღარ მიიჩნევენ. 2022 წლის განმავლობაში კრიპტო ბაზრის კაპიტალიზაცია 1 ტრილიონ დოლარზე მეტით შემცირდა და ციფრული აქტივების არასტაბილურობა ყველასთვის თვალსაჩინო გახდა.

„შეზღუდვების გამო, კრიპტოვალუტები ინოვაციური და სანდო ფინანსური ფორმის ნაცვლად, დამღუპველ ფორმად გადაიქცნენ. კრიპტოვალუტის ეკოსისტემა უამრავ შეფერხებას განიცდის და უარყოფით გარე ფაქტორებს ექვემდებარება. თუ რეგულირების სათანადო ზომები არ იქნა მიღებული, მას პრობლემები და შეფერხებები მომავალშიც შეექმნება. ამავდროულად, პოლიტიკოსები ფრთხილად უნდა მოეკიდონ იმ ინდუსტრიის მხარდაჭერას, რომელსაც საზოგადოებისთვის სარგებელი დღემდე არ მოუტანია, მაგრამ ცდილობს ტრადიციულ ფინანსურ სისტემაში ინტეგრირდეს, რათა ლეგიტიმაცია მიიღოს როგორც ამ სისტემის ნაწილმა და გამოიყენოს იგი.“- თქვა პანეტამ.

მან ასევე ხაზგასმით აღნიშნა, რომ ინდუსტრიის მონაწილეები კრიპტოვალუტის ინვესტორების მოსაზიდად ახალ-ახალ „ნარატივებს“ მუდმივად შეიმუშავებენ.

თუმცა, თითქმის ყოველთვის აწბილებენ მათ და დანაპირებს არ ასრულებენ.

პანეტამ  ბლოკჩეინის უპირატესობები ეჭვქვეშ დააყენა და განაცხადა, რომ კრიპტოვალუტების ტრანზაქციების „უსაფრთხოების, მასშტაბურობისა და დეცენტრალიზაციის“ მიღწევა შეუძლებელია. ხოლო ბლოკჩეინის უცვლელობა ტრანზაქციის შებრუნების შეუძლებლობის გამო, მათ უარყოფით მხარეს წარმოდგენს. მან ასევე კრიპტო ბირჟა FTX-ის კრახი გაიხსენა .

ECB-ს საბჭოს წევრმა კრიპტოვალუტების და ამ აქტივების კლასში ინვესტიციების წინააღმდეგ არაერთხელ ისაუბრა.